Kehte to ho tum sab ke but-e-ghaliya-moo aaye

transliterator: thothica

work_id: "74ed4c1c-c3d2-47b4-b350-4539659ce0f9" work_slug: "mirza-ghalib-diwan-e-ghalib-74ed4c" work_title: "Diwan-E-Ghalib" author_name: Mirza Ghalib chapter_number: 108 chapter_title: "Kehte to ho tum sab ke but-e-ghaliya-moo aaye" chapter_slug: "108-kehte-to-ho-tum-sab-ke-but-e-ghaliya-moo-aaye" variant_id: "d0e36c60-6624-4736-a846-a5c03e899df5" content_type: transliteration layout: verse language: Urdu source_language: Urdu language_direction: ltr script: latin word_count: 150 estimated_read_time: 1

Kehte to ho tum sab ke but-e-ghaliya-moo aaye Yak martaba ghabra ke kaho koi ke woh aaye

Hoon kashmakash-e-naza mein haan jazb-e-mohabbat Kuch keh na sakoon par woh mere poochne ko aaye

Hai sa'iqa o shola o seemaab ka aalam Aana hi samajh mein meri aata nahi go aaye

Zahir hai ke ghabra ke na bhaagein-ge nakirein Haan munh se magar baada-e-dosheena ki boo aaye

Jallad se darte hain na waaiz se jhagadte Hum samjhe hue hain usey jis bhes mein jo aaye

Haan ahl-e-talab kaun sune taana-e-nayaaft Dekha ke woh milta nahi apne hi ko kho aaye

Apna nahi yeh sheva ke aaraam se baithein Us dar pe nahi baar toh Kaaba hi ko ho aaye

Ki ham-nafason ne asar-e-girya mein taqreer Achhe rahe aap is se magar mujh ko dubo aaye

Is anjuman-e-naaz ki kya baat hai Ghalib Hum bhi gaye waan aur teri taqdeer ko ro aaye