Ajab nishaat se jallad ke chale hain hum aage

transliterator: thothica

work_id: "74ed4c1c-c3d2-47b4-b350-4539659ce0f9" work_slug: "mirza-ghalib-diwan-e-ghalib-74ed4c" work_title: "Diwan-E-Ghalib" author_name: Mirza Ghalib chapter_number: 9 chapter_title: Ajab nishaat se jallad ke chale hain hum aage chapter_slug: "09-ajab-nishaat-se-jallad-ke-chale-hain-hum-aage" variant_id: "7c3c029d-83e5-45f5-a780-7bb99e4498d9" content_type: transliteration layout: verse language: Urdu source_language: Urdu language_direction: ltr script: latin word_count: 117 estimated_read_time: 1

Ajab nishaat se jallad ke chale hain hum aage Ke apne saaye se sar paanv se hai do qadam aage

Qaza ne tha mujhe chaha kharaab-e-baada-e-ulfat Faqat kharaab likha bas na chal saka qalam aage

Gham-e-zamana ne jhaadi nishaat-e-ishq ki masti Wagarna hum bhi uthaate the lazzat-e-alam aage

Khuda ke waaste daad is junoon-e-shauq ki dena Ke uske dar pe pahunchte hain naama-bar se hum aage

Yeh umr bhar jo pareshaaniyan uthaai hain humne Tumhaare aaiyo ae turra-haaye-kham-ba-kham aage

Dil o jigar mein par-afshaan jo ek mauja-e-khoon hai Hum apne zo'm mein samjhe hue the is ko dam aage

Qasam janaaze pe aane ki mere khaate hain Ghalib Hamesha khaate the jo meri jaan ki qasam aage