Ram

transliterator: thothica

work_id: "cc61e86c-ca8b-4714-8f37-fe742b33069d" work_slug: "allama-iqbal-bang-e-dara-part-3-cc61e8" work_title: "Bang-E-Dara Part 3" author_name: Allama Iqbal chapter_number: 17 chapter_title: Ram chapter_slug: "17-ram" variant_id: "95023d60-5322-4ae4-a87d-5b701d4a753a" content_type: transliteration layout: verse language: Urdu source_language: Urdu language_direction: ltr script: latin word_count: 87 estimated_read_time: 1

Ram (Ram)

Labrez hai sharab-e-haqeeqat se jaam-e-Hind Sab falsafi hain khitta-e-maghrib ke Ram-e-Hind Yeh Hindiyon ke fikr-e-falak-ras ka hai asar Rif'at mein aasman se bhi ooncha hai baam-e-Hind Iss des mein hue hain hazaron malak-sarisht Mashhoor jin ke dam se hai duniya mein naam-e-Hind Hai Ram ke wajood pe Hindustaan ko naaz Ahl-e- nazar samajhte hain is ko Imam-e-Hind Ejaz iss chiragh-e-hidayat ka hai yahi Roshan tar az sehar hai zamaane mein shaam-e-Hind Talwar ka dhani tha, shuja'at mein fard tha Pakeezgi mein, josh-e-mohabbat mein fard tha