Namood-e-Subah

transliterator: thothica

work_id: "cc61e86c-ca8b-4714-8f37-fe742b33069d" work_slug: "allama-iqbal-bang-e-dara-part-3-cc61e8" work_title: "Bang-E-Dara Part 3" author_name: Allama Iqbal chapter_number: 14 chapter_title: "Namood-e-Subah" chapter_slug: "14-namood-e-subah" variant_id: "0e584b69-c52c-45ec-ac6a-6c6e4d84cbf1" content_type: transliteration layout: verse language: Urdu source_language: Urdu language_direction: ltr script: latin word_count: 108 estimated_read_time: 1

Namood-e-Subah (Namood-e-Subah)

Ho rahi hai zer-e-damaan-e-ufaq se aashkaar Subah yaani dukhtar-e-dosheeza-e-lail-o-nahaar Pa chuka fursat durood-e-fasl-e-anjum se sipehr Kisht -e-khaavar mein hua hai aaftaab aaina-kaar Aasmaan ne aamad-e-khursheed ki pa kar khabar Mehmil -e-parvaaz-e-shab baandha sar-e-dosh-e-ghubaar Shola-e- khursheed goya haasil uss kheti ka hai Boye thay dehqaan-e-gardoon ne jo taaron ke sharaar Hai ravaan najm-e-sehar, jaise ibaadat-khaane se Sab se peechay jaaye koi aabid-e-shab-zinda-daar Kya samaan hai jis tarah aahista aahista koi Kheenchta ho miyaan ki zulmat se tegh-e-aab-daar Matla-e- khursheed mein muzmir hai yun mazmoon-e-subah Jaise khalvat-gaah-e-meena mein sharaab-e-khush-gawaar Hai teh-e-damaan-e-baad-e-ikhtilaat-angez-subah Shorish- e-naaqoos, aawaaz-e-azaan se hamkinaar Jaage koyal ki azaan se taairaan-e-naghma-sanj Hai tarannum-rez qanoon-e-sehar ka taar taar