Goristan-e-Shahi

transliterator: thothica

work_id: "cc61e86c-ca8b-4714-8f37-fe742b33069d" work_slug: "allama-iqbal-bang-e-dara-part-3-cc61e8" work_title: "Bang-E-Dara Part 3" author_name: Allama Iqbal chapter_number: 9 chapter_title: "Goristan-e-Shahi" chapter_slug: "09-goristan-e-shahi" variant_id: "a076a2a7-ced3-434f-bdad-4f4e687973ee" content_type: transliteration layout: verse language: Urdu source_language: Urdu language_direction: ltr script: latin word_count: 831 estimated_read_time: 4

Goristan-e-Shahi (Goristan-e-Shahi)

Goristan Shahi Samaan , badal ka pehne khirqa-e-dereena hai Kuch mukaddar sa jabeen-e-maah ka aaina hai Chandni pheeki hai is nazara-e-khamosh mein Subah sadiq so rahi hai raat ki aaghosh mein Qadr ashjaar ki hairat faza hai khamoshi Barbat qudrat ki dheemi si nawa hai khamoshi Baatin har zarra-e-aalam sarapa dard hai Aur khamoshi lab-e-hasti pe aah-e-sard hai Jaulaan-gah-e-aalam geer yaani woh hisaar Dosh par apne uthaye saikdon sadiyon ka baar Zindagi se tha kabhi maamoor, ab sunsaan hai Khamoshi uske hangamon ka goristan hai Apne sukkaan-e-kuhan ki khaak ka dildada hai Koh ke sar par misaal-e-pasban istada hai Abr ke rozan se woh baala-e-baam-e-asman Naazir aalam hai najm-e-sabz faam-e-asman Khaak baazi wus'at-e-dunya ka hai manzar usey Dastaan nakami-e-insaan ki hai azbar usey Azal se yeh musafir soo-e-manzil ja raha Aasmaan se inqilabon ka tamasha dekhta Sukoon mumkin nahin aalam mein akhtar ke liye Fatiha khwani ko yeh thehra hai dam bhar ke liye Rang o aab-e-zindagi se gul badaman hai zameen Saikdon khoon-gashta tehzeebon ka madfan hai zameen Khwaab gah-e-shahon ki hai yeh manzil-e-hasrat faza Deeda-e ibrat! khiraj-e-ashk-e-gulgoon kar ada Tu goristan magar yeh khaak-e-gardoon paya hai Ik bargashta qismat qaum ka sarmaya hai Maqbaron ki shaan hairat-afreen hai is qadar Jumbish mizhgaan se hai chashm-e-tamasha ko hazar Kaifiyat aisi hai nakami ki is tasveer mein utar sakti nahin aaina-e-tehreer mein Sote hain khamosh, aabadi ke hangamon se door Muztarib rakhti thi jin ko arzoo-e-nasaboor Qabr ki zulmat mein hai un aaftabon ki chamak Ke darwazon pe rehta tha jabeen-gustar falak Kya yahi hai un shehenshahon ki azmat ka maal ki tadbeer-e-jahan baani se darta tha zawaal Roab faghfoori ho dunya mein keh shaan-e-qaiseri nahin sakti ghaneem-e-maut ki yorish kabhi Badshahon ki bhi kisht-e-umr ka hasil hai gor Jaada-e azmat ki goya aakhri manzil hai gor Shorish bazm-e-tarab kya, ood ki taqreer kya Dard mandan-e-jahan ka nala-e-shab-geer kya Arsa-e paikaar mein hangama-e-shamsheer kya Khoon ko garmane wala naara-e-takbeer kya Koi aawaz soton ko jaga sakti nahin Seena-e veeran mein jaan-e-rafta aa sakti nahin Rooh , musht-e-khaak mein zehmat-kash-e-bedaad hai Koocha gard ne hui jis dam nafas, faryad hai Zindagi insaan ki hai manind-e-murgh-e-khush-nawa Shaakh par baitha, koi dam chehchahaya, ud gaya Kya aaye riyaz-e-dehr mein hum, kya gaye Zindagi ki shaakh se phoote, khile, murjha gaye Maut har shah-o-gada ke khwaab ki taabeer hai Sitam-gar ka sitam insaaf ki tasveer hai Silsila hasti ka hai ik behr-e-na-paida-kinaar Aur is darya-e-be-payan ke maujein hain mazaar Hawas! khoon ro keh hai yeh zindagi be-aitbaar Sharare ka tabassum, yeh khas-e-aatish-sawar Chaand , jo soorat-gar-e-hasti ka ik ijaz hai Pehne seemabi qaba mehv-e-khiram-e-naaz hai Charkh be-anjum ki dehshat-naak wus'at mein magar Kisi uss ki koi dekhe zara waqt-e-seher Zara sa abr ka tukda hai, jo mehtaab tha Aakhri aansu tapak jaane mein ho jis ki fana Zindagi aqwaam ki bhi hai yunhi be-aitbaar Rang haaye rafta ki tasveer hai unki bahaar Ziyan khaane mein koi millat gardoon waqar Nahin sakti abad tak bar-e-dosh-e-rozgar Qadar qaumon ki barbadi se hai kho-gar jahan Dekhta be-aitnai se hai yeh manzar jahan Ek soorat par nahin rehta kisi shai ko qarar Zauq jiddat se hai tarkeeb-e-mizaj-e-rozgar Hai nageen-e-dehr ki zeenat hamesha naam-e-nau Maadar geeti rahi aabistan-e-aqwaam-e-nau Hain hazaron qafilon se aashna yeh reh-guzar Chashm Koh-e-Noor ne dekhe hain kitne taajwar Misr o Babil mit gaye, baqi nishan tak bhi nahin Daftar hasti mein unki daastan tak bhi nahin Dabaya mehr-e-Iran ko ajal ki shaam ne Azmat Yunan-o-Roma loot li ayyam ne Muslim bhi zamane se yunhi rukhsat hua Aasmaan se abr-e-aazari utha, barsa, gaya rag-e-gul subah ke ashkon se moti ki ladi Koi sooraj ki kiran shabnam mein hai uljhi hui Seena-e darya shua'on ke liye gehwara hai qadar pyara lab-e-joo mehr ka nazara hai Mehv zeenat hai sanobar, joo-e-baar aaina hai Ghuncha-e gul ke liye baad-e-bahaar aaina hai Naara zan rehti hai koyal bagh ke kaashaane mein Chashm insaan se nihan, patton ke uzlat-khaane mein Aur bulbul, mutrib-e-rangeen nawa-e-gulistan Jis ke dam se zinda hai goya hawa-e-gulistan ishq ke hangamon ki udti hui tasveer hai Khaama-e qudrat ki kaisi shokh yeh tehreer hai Is bagh mein khamosh jalse gulistan-zadon ke hain Wadi-e koh-saar mein naare shaban-zadon ke hain Zindagi se yeh purana khaak-daan maamoor hai Maut mein bhi zindagani ki tadap mastoor hai Patiyan phoolon ki girti hain khizan mein is tarah dast-e-tifl-e-khufta se rangeen khilone jis tarah Yeh nishat-abad mein go aish be-andaza hai Ek gham, yaani gham-e-millat hamesha taaza hai Dil hamare yaad-e-ahd-e-rafta se khali nahin Apne shahon ko yeh ummat bhoolne wali nahin Ashk baari ke bahane hain yeh ujde baam-o-dar Girya-e paiham se beena hai hamari chashm-e-tar Dehr ko dete hain moti deeda-e-giryan ke hum Aakhri badal hain ik guzre hue toofan ke hum Hain abhi sad-ha guhar uss abr ki aaghosh mein Barq abhi baqi hai uske seena-e-khamosh mein Wadi-e gul, khaak-e-sehra ko bana sakta hai yeh Khwaab se umeed-e-dehqan ko jaga sakta hai yeh Mit chuka go qaum ki shaan-e-jalali ka zahoor Hai magar baqi abhi shaan-e-jamali ka zahoor