Ghurra-e-

transliterator: thothica

work_id: "cc61e86c-ca8b-4714-8f37-fe742b33069d" work_slug: "allama-iqbal-bang-e-dara-part-3-cc61e8" work_title: "Bang-E-Dara Part 3" author_name: Allama Iqbal chapter_number: 8 chapter_title: "Ghurra-e-" chapter_slug: "08-ghurra-e" variant_id: "f24efca5-a9fa-4c57-b62a-8172a834ccae" content_type: transliteration layout: verse language: Urdu source_language: Urdu language_direction: ltr script: latin word_count: 274 estimated_read_time: 2

Ghurra-e- Shawwal! Ae noor-e-nigah-e-roza-daar Aa Ke thay tere liye Muslim sarapa intezaar Teri Peshani pe tehreer-e-payaam-e-Eid hai Shaam Teri kya hai, subh-e-aish ki tamheed hai Sarguzasht-e- Millat-e-baiza ka tu aaina hai Ae Meh-e-nau! Hum ko tujh se ulfat-e-dereena hai Jis Alam ke saaye mein tegh-aazma hote thay hum Dushmanon Ke khoon se rangeen qaba hote thay hum Teri Qismat mein hum-aaghoshi usi raayat ki hai Husn-e- Roz-afzoon se tere aabru millat ki hai Aashna Parwar hai qaum apni, wafa aaeen tera Hai Mohabbat-khaiz yeh pairaahan-e-seemeen tera Auj-e- Gardoon se zara dunya ki basti dekh le Apni Rif'at se hamare ghar ki pasti dekh le ! Qaafile Dekh aur un ki barq-raftaari bhi dekh Reh-rau-e Darmaanda ki manzil se bezaari bhi dekh Dekh Kar tujh ko ufaq par hum lutate thay gohar Ae Tehi saaghar! Hamari aaj naadaari bhi dekh Firqa Aaraai ki zanjeeron mein hain Muslim aseer Apni Azaadi bhi dekh, un ki giraftaari bhi dekh Dekh Masjid mein shikast-e-rishta-e-tasbeeh-e-shaikh But Kaday mein Brahman ki pukhta zunnari bhi dekh Kaafiron Ki Muslim-aaeeni ka bhi nazaara kar Aur Apne Muslimon ki Muslim-aazaari bhi dekh Baarish-e- Sang-e-hawadis ka tamashai bhi ho Ummat-e- Marhoom ki aaina-deewari bhi dekh Haan , Tamalluq-peshgi dekh aabru walon ki tu Aur Jo be-aabru thay, un ki khud-daari bhi dekh Jis Ko hum ne aashna lutf-e-takallum se kiya Us Hareef-e-bezubaan ki garm-guftaari bhi dekh Saaz-e- Ishrat ki sada Maghrib ke aiwaanon mein sun Aur Iran mein zara maatam ki tayyari bhi dekh Chaak Kar di Turk-e-nadaan ne khilafat ki qaba Saadgi Muslim ki dekh, auron ki ayyari bhi dekh Soorat-e- Aaina sab kuch dekh aur khamosh reh Shorish-e- Imroz mein mehv-e-surood-e-dosh reh