Bilad-e-Islamiya

transliterator: thothica

work_id: "cc61e86c-ca8b-4714-8f37-fe742b33069d" work_slug: "allama-iqbal-bang-e-dara-part-3-cc61e8" work_title: "Bang-E-Dara Part 3" author_name: Allama Iqbal chapter_number: 2 chapter_title: "Bilad-e-Islamiya" chapter_slug: "02-bilad-e-islamiya" variant_id: "2fbd3d33-e109-40b2-9199-11afb342f2be" content_type: transliteration layout: verse language: Urdu source_language: Urdu language_direction: ltr script: latin word_count: 338 estimated_read_time: 2

Bilad-e-Islamiya (Bilad-e-Islamiya)

Sarzameen Dilli ki masjood dil-e-gham deeda hai Zarre Zarre mein lahu aslaaf ka khwabida hai Paak Is ujde gulistaan ki na ho kyun kar zameen Khanqah-e Azmat-e-Islam hai yeh sarzameen Sote Hain is khaak mein Khair-ul-Umam ke tajdaar Nazm-e Aalam ka raha jin ki hukumat par madaar Dil Ko tadpati hai ab tak garmi-e-mehfil ki yaad Jal Chuka hasil magar mehfooz hai hasil ki yaad Hai Ziyarat gaah-e-Muslim go Jahanabad bhi Is Karamat ka magar haq-daar hai Baghdad bhi Yeh Chaman woh hai ke tha jis ke liye saaman-e-naaz Lala-e Sehra jise kehte hain Tehzeeb-e-Hijaz Khaak Is basti ki ho kyun kar na hamdosh-e-Iram Jis Ne dekhe jaanasheenan-e-Paighambar ke qadam Jis Ke ghunche thay chaman saamaan, woh gulshan hai yahi Kaanpta Tha jin se Roma, un ka madfan hai yahi Hai Zameen-e-Qurtaba bhi deeda-e-Muslim ka noor Zulmat-e Maghrib mein jo raushan thi misl-e-shama-e-Toor Bujh Ke bazm-e-millat-e-baiza pareshaan kar gayi Aur Diya tehzeeb-e-haazir ka farozaan kar gayi Qabr Is tehzeeb ki yeh sarzameen-e-paak hai Jis Se taak-e-gulshan-e-Europe ki rag nam-naak hai Khitta-e Qustuntunia yaani Qaisar ka diyaar Mehdi-e Ummat ki satwat ka nishaan-e-payedaar Soorat-e Khaak-e-haram yeh sarzameen bhi paak hai Aastaan-e Masnad aaraye Shah-e-Laulaak hai Nikhat-e Gul ki tarah pakeeza hai is ki hawa Turbat-e Ayyub Ansari se aati hai sada Ae Musalman! Millat-e-Islam ka dil hai yeh sheher Sainkdon Sadiyon ki kisht-o-khoon ka hasil hai yeh sheher Woh Zameen hai tu magar ae khwab-gaah-e-Mustafa Deed Hai Kaabe ko teri Hajj-e-Akbar se siwa Khaatam-e Hasti mein tu taabaan hai maanind-e-nageen Apni Azmat ki wiladat-gaah thi teri zameen Tujh Mein raahat us shehenshah-e-moazzam ko mili Jis Ke daaman mein amaan aqwaam-e-aalam ko mili Naam Leva jis ke shahenshah-e-aalam ke hue Jaansheen Qaisar ke, waris-e-masnad-e-Jam ke hue Hai Agar qaumiyat-e-Islam paband-e-maqaam Hind Hi buniyad hai is ki, na Fars hai, na Shaam Aah Yasrab! Des hai Muslim ka tu, maawa hai tu Nuqta-e Jaazib-e-taasur ki shuaaon ka hai tu Jab Talak baaqi hai tu duniya mein, baaqi hum bhi hain Subah Hai to is chaman mein gauhar-e-shabnam bhi hain