Aashiq Harjaai

transliterator: thothica

work_id: "9bc58cbd-ab40-4264-bd01-6e5bddf3e11f" work_slug: "allama-iqbal-bang-e-dara-part-2-9bc58c" work_title: "Bang-E-Dara Part 2" author_name: Allama Iqbal chapter_number: 28 chapter_title: Aashiq Harjaai chapter_slug: "28-aashiq-harjaai" variant_id: "a64eb7eb-9a74-483c-9b12-852a32a063db" content_type: transliteration layout: verse language: Urdu source_language: Urdu language_direction: ltr script: latin word_count: 148 estimated_read_time: 1

Aashiq Harjaai (Aashiq-e-Harjayi)

Hai Ajab majmua-e-azdaad ae Iqbal tu Raunaq Hangama-e-mehfil bhi hai, tanha bhi hai Tere Hangaamon se ae deewane rangeen-nawa ! Zeenat Gulshan bhi hai, aaraish-e-sehra bhi hai Hum Nasheen taaron ka hai tu rif'at-e-parwaaz se Ae Zameen-farsa, qadam tera falak-paima bhi hai Ain Shughl mein peshaani hai teri sajda-rez Kuch Tere maslak mein rang-e-mashrab-e-meena bhi hai Misl Bu-e-gul libaas-e-rang se uriyaan hai tu Hai Tu hikmat-aafreen, lekin tujhe sauda bhi hai Jaanib Manzil rawaan be-naqsh-e-pa maanind-e-mauj Aur Phir uftaada misl-e-sahil-e-darya bhi hai Husn Niswaani hai bijli teri fitrat ke liye Phir Ajab yeh hai ke tera ishq be-parwa bhi hai Teri Hasti ka hai aaeen-e-tafannun par madaar Tu Kabhi ek aastane par jabeen-farsa bhi hai? Hai Haseenon mein wafa-na-aashna tera khitaab Ae Talawwun-kesh! Tu mash'hoor bhi, ruswa bhi hai Le Ke aaya hai jahaan mein aadat-e-seemaab tu Teri Be-taabi ke sadqe, hai ajab be-taab tu