Visal

transliterator: thothica

work_id: "9bc58cbd-ab40-4264-bd01-6e5bddf3e11f" work_slug: "allama-iqbal-bang-e-dara-part-2-9bc58c" work_title: "Bang-E-Dara Part 2" author_name: Allama Iqbal chapter_number: 27 chapter_title: Visal chapter_slug: "27-visal" variant_id: "0f3cd4f9-8b0f-4ffb-9f22-00a23f798330" content_type: transliteration layout: verse language: Urdu source_language: Urdu language_direction: ltr script: latin word_count: 168 estimated_read_time: 1

Visal (Visal)

Justaju Jis gul ki tadpati thi ae bulbul mujhe Khoobi Qismat se aakhir mil gaya woh gul mujhe Khud Tadpata tha, chaman waalon ko tadpata tha main Tujh Ko jab rangeen nawa paata tha, sharmata tha main Mere Pehlu mein dil-e-muztar na tha, seemab tha Irtikaab Jurm-e-ulfat ke liye be-taab tha Na-muradi Mehfil-e-gul mein meri mash'hoor thi Subah Meri aainadaar-e-shab-e-daijoor thi Az Nafs dar seena-e-khoon gashta nishtar dashtam Zer Khamoshi nihaan ghogha-e-mehshar dashtam Ab Ta'assur ke jahan mein woh pareshani nahin Ahl Gulshan par giraan meri ghazal khwani nahin Ishq Ki garmi se sholay ban gaye chhaale mere Khulte Hain bijliyon ke saath ab naale mere Ghaza-e Ulfat se yeh khaak-e-siyah aaina hai Aur Aaine mein aks-e-hamdam-e-dereena hai Qaid Mein aaya to haasil mujh ko azaadi hui Dil Ke lutt jaane se mere ghar ki aabadi hui Zau Se us khursheed ki akhtar mera taabinda hai Chandni Jis ke ghubaar-e-raah se sharminda hai Yak Nazar kardi o aadab-e-fana aamokhti Ae Khunak rozay ke khashaak mara wa-sokhti