Tujh ko duzdida nigahi yeh sikha di kis ne

transliterator: thothica

work_id: "9bc58cbd-ab40-4264-bd01-6e5bddf3e11f" work_slug: "allama-iqbal-bang-e-dara-part-2-9bc58c" work_title: "Bang-E-Dara Part 2" author_name: Allama Iqbal chapter_number: 26 chapter_title: Tujh ko duzdida nigahi yeh sikha di kis ne chapter_slug: "26-tujh-ko-duzdida-nigahi-yeh-sikha-di-kis-ne" variant_id: "808eefb8-3d34-4434-860b-b034e8b16c5c" content_type: transliteration layout: verse language: Urdu source_language: Urdu language_direction: ltr script: latin word_count: 174 estimated_read_time: 1

Tujh ko duzdida nigahi yeh sikha di kis ne Ramz-e-aaghaz-e-mohabbat ki bata di kis ne Har adaa se teri paida hai mohabbat kaisi Neeli aankhon se tapakti hai zakawat kaisi Dekhti hai kabhi un ko, kabhi sharmati hai Kabhi uthti hai, kabhi let ke so jaati hai Aankh teri sifat-e-aaina hairaan hai kya Noor-e-aagahi se roshan teri pehchaan hai kya Maarti hai unhein pahonchon se, ajab naaz hai yeh Chher hai, ghussa hai ya pyaar ka andaaz hai yeh? Shokh tu hogi to godi se utarenge tujhe Gir gaya phool jo seene ka to maarenge tujhe Kya tajassus hai tujhe, kis ki tamannai hai Aah! Kya tu bhi usi cheez ki saudai hai Khaas insaan se kuch husn ka ehsaas nahin Soorat-e-dil hai yeh har cheez ke baatin mein makeen Sheesha-e-dehr mein manind-e-maye-naab hai ishq Rooh-e-khursheed hai, khoon-e-rag-e-mehtaab hai ishq Dil har zarre mein posheeda kasak hai is ki Noor yeh woh hai ke har shai mein jhalak hai is ki Kahin saaman-e-musarrat, kahin saaz-e-gham hai Kahin gohar hai, kahin ashk, kahin shabnam hai