Salimi

transliterator: thothica

work_id: "9bc58cbd-ab40-4264-bd01-6e5bddf3e11f" work_slug: "allama-iqbal-bang-e-dara-part-2-9bc58c" work_title: "Bang-E-Dara Part 2" author_name: Allama Iqbal chapter_number: 20 chapter_title: Salimi chapter_slug: "20-salimi" variant_id: "2e0a64f1-b81c-4b74-92cf-3f95624457e0" content_type: transliteration layout: verse language: Urdu source_language: Urdu language_direction: ltr script: latin word_count: 84 estimated_read_time: 1

Salimi

Jis ki namood dekhi chashm-e-sitara-been ne Khursheed mein, qamar mein, taaron ki anjuman mein Soofi ne jis ko dil ke zulmat-kade mein paaya Shayar ne jis ko dekha qudrat ke baankpan mein Jis ki chamak hai paida, jis ki mehak huvaida Shabnam ke motiyon mein, phoolon ke pairahan mein Sehra ko hai basaya jis ne sukoot ban kar Hangama jis ke dam se kaashana-e-chaman mein Har shay mein hai numayan yun to jamal us ka Aankhon mein hai Salimi teri kamaal us ka