Husn o Ishq

transliterator: thothica

work_id: "9bc58cbd-ab40-4264-bd01-6e5bddf3e11f" work_slug: "allama-iqbal-bang-e-dara-part-2-9bc58c" work_title: "Bang-E-Dara Part 2" author_name: Allama Iqbal chapter_number: 13 chapter_title: Husn o Ishq chapter_slug: "13-husn-o-ishq" variant_id: "95c1d227-8c44-435e-9518-431edca3b8a1" content_type: transliteration layout: verse language: Urdu source_language: Urdu language_direction: ltr script: latin word_count: 159 estimated_read_time: 1

Husn o Ishq (Husn-o-Ishq)

Jis tarah doobti hai kashti-e-seemeen-e-qamar Noor khursheed ke toofan mein hangaam-e-sahar Jise ho jaata hai gum noor ka le kar aanchal Chandni raat mein mehtaab ka hum-rang kanwal Jalwa-e-Toor mein jaise yad-e-baiza-e-kaleem Mauja-e nik'hat-e-gulzaar mein ghunche ki shameem Hai tere sail-e-mohabbat mein yunhi dil mera

Tu jo mehfil hai to hangama-e-mehfil hoon main Husn ki barq hai to, ishq ka haasil hoon main Tu sahar hai to mere ashk hain shabnam teri Shaam-e ghurbat hoon agar main to shafaq tu meri Mere dil mein teri zulfon ki pareshani hai Teri tasveer se paida meri hairaani hai Husn kaamil hai tera, ishq hai kaamil mera

Hai mere baagh-e-sukhan ke liye tu baad-e-bahaar Mere be-taab takhayyul ko diya tu ne qaraar Jab se aabaad tera ishq hua seene mein Naye jauhar huay paida mere aayine mein Husn se ishq ki fitrat ko hai tehreek-e-kamaal Tujh se sar-sabz huay meri umeedon ke nihaal Qaafila ho gaya aasooda-e-manzil mera