Ilahi aql-e-khajista-pai ko zara si deewangi sikha de

transliterator: thothica

work_id: "9bc58cbd-ab40-4264-bd01-6e5bddf3e11f" work_slug: "allama-iqbal-bang-e-dara-part-2-9bc58c" work_title: "Bang-E-Dara Part 2" author_name: Allama Iqbal chapter_number: 2 chapter_title: "Ilahi aql-e-khajista-pai ko zara si deewangi sikha de" chapter_slug: "02-ilahi-aql-e-khajista-pai-ko-zara-si-deewangi-sikha" variant_id: "5831d813-04f3-4cbe-84d1-2a5e86f332eb" content_type: transliteration layout: verse language: Urdu source_language: Urdu language_direction: ltr script: latin word_count: 111 estimated_read_time: 1

Ilahi aql-e-khajista-pai ko zara si deewangi sikha de Use hai sauda-e-bakhiya-kaari, mujhe sar-e-pairahan nahin hai Mila mohabbat ka soz mujh ko to bole subh-e-azal farishte Misaal-e-shama-e-mazaar hai tu, teri koi anjuman nahin hai Yahan kahan ham-nafas mayassar, yeh des na-aashna hai ae dil! Woh cheez tu maangta hai mujh se ke zer-e-charkh-e-kuhan nahin hai Nirala saare jahan se uss ko Arab ke me'maar ne banaya Bana-e-hamare hisaar-e-millat, ittehad-e-watan nahin hai Kahan ka aana, kahan ka jaana, fareb hai imtiyaz-e-uqba Namood har shai mein hai hamari, kahin hamara watan nahin hai Mudeer-e-'Makhzan' se koi Iqbal ja ke mera payaam keh de Jo kaam kuchh kar rahi hain qaumein, unhein mazaaq-e-sukhan nahin hai