Chamak teri ayaan bijli mein, aatish mein, sharare mein

transliterator: thothica

work_id: "9bc58cbd-ab40-4264-bd01-6e5bddf3e11f" work_slug: "allama-iqbal-bang-e-dara-part-2-9bc58c" work_title: "Bang-E-Dara Part 2" author_name: Allama Iqbal chapter_number: 1 chapter_title: Chamak teri ayaan bijli mein, aatish mein, sharare mein chapter_slug: "01-chamak-teri-ayaan-bijli-mein-aatish-mein-sharare-m" variant_id: "f4a5f3e4-1b9a-497c-bc70-e870c4eef792" content_type: transliteration layout: verse language: Urdu source_language: Urdu language_direction: ltr script: latin word_count: 145 estimated_read_time: 1

Chamak Teri ayaan bijli mein, aatish mein, sharare mein Jhalak Teri huvaida chaand mein, suraj mein, taare mein Bulandi Aasmanon mein, zameenon mein teri pasti Rawani Behr mein, uftaadgi teri kinare mein Shariat Kyun garebaan-geer ho zauq-e-takallum ki Chhupa Jaata hoon apne dil ka matlab ista'aare mein Jo Hai bedaar insaan mein woh gehri neend sota hai Shajar Mein, phool mein, haiwaan mein, patthar mein, sitare mein Mujhe Phoonka hai soz-e-qatra-e-ashk-e-mohabbat ne Ghazab Ki aag thi paani ke chhote se sharare mein Nahin Jins-e-sawab-e-aakhirat ki aarzoo mujh ko Woh Saudagar hoon, main ne nafa dekha hai khasaare mein Sukoon Na-aashna rehna ise samaan-e-hasti hai Tadap Kis dil ki ya Rab chhup ke aa baithi hai paare mein Sada-e Lan-taraani sun ke ae Iqbal main chup hoon Taqazon Ki kahan taaqat hai mujh furqat ke maare mein