Subah Ka Sitara

transliterator: thothica

work_id: "55b25cac-46ff-446c-bfe7-0ae5b8541ad8" work_slug: "allama-iqbal-bang-e-dara-part-1-55b25c" work_title: "Bang-E-Dara Part 1" author_name: Allama Iqbal chapter_number: 42 chapter_title: Subah Ka Sitara chapter_slug: "42-subah-ka-sitara" variant_id: "b9f8f4f4-ccb8-4b3a-b737-776f6a590b3a" content_type: transliteration layout: verse language: Urdu source_language: Urdu language_direction: ltr script: latin word_count: 308 estimated_read_time: 2

Subah Ka Sitara (Subah Ka Sitara)

Lutf hamsaayegi-e-shams-o-qamar ko chhoroon Aur is khidmat-e-paighaam-e-sehar ko chhoroon Mere haq mein toh nahin taaron ki basti achhi Is bulandi se zameen waalon ki pasti achhi Aasmaan kya, adam-aabaad-e-watan hai mera Subah ka daaman-e-sad-chaak kafan hai mera Meri qismat mein hai har roz ka marna jeena Saaqi-e- maut ke haathon se suboohi peena Na yeh khidmat, na yeh izzat, na yeh rif'at achhi Is ghari bhar ke chamakne se toh zulmat achhi Meri qudrat mein jo hota, toh na akhtar banta Qaar-e- dariya mein chamakta hua gauhar banta Waan bhi maujon ki kashakash se jo dil ghabraata Chhor kar behr kahin zeb-e-guloo ho jaata Hai chamakne mein maza husn ka zewar ban kar Zeenat-e- taaj-e-sar-e-baanoo-e-Qaisar ban kar Ek pathar ke jo tukre ka naseeba jaaga Khaatam-e- dast-e-Suleiman ka nageen ban ke raha Aisi cheezon ka magar dehr mein hai kaam shikast Hai gauhar-haaye-giraan-maaya ka anjaam shikast Zindagi woh hai ke jo ho na shanaasa-e-ajal Kya woh jeena hai ke ho jis mein taqaaza-e-ajal Hai yeh anjaam agar zeenat-e-aalam ho kar Kyun na gir jaaoon kisi phool pe shabnam ho kar ! Kisi peshaani ke afshaan ke sitaaron mein rahoon Kis mazloom ki aahon ke sharaaron mein rahoon Ashk ban kar sar-e-mizhgaan se atak jaaoon main Kyun na us beewi ki aankhon se tapak jaaoon main Q Jis ka shauhar ho rawaan, ho ke zirah mein mastoor Soo-e- maidaan-e-wagha, hubb-e-watan se majboor Yaas o umeed ka nazaara jo dikhlaati ho Jis ki khaamoshi se taqreer bhi sharmaati ho Jis ko shauhar ki raza taab-e-shikebaai de Aur nigaahon ko haya taaqat-e-goyaai de Zard, rukhsat ki ghari, aariz-e-gulgoon ho jaaye Kashish-e- husn-e-gham-e-hijr se afzoon ho jaaye Laakh woh zabt kare par main tapak hi jaaoon Saaghar-e- deeda-e-purnam se chhalak hi jaaoon Khaak mein mil ke hayaat-e-abadi pa jaaoon Ishq ka soz zamaane ko dikhaata jaaoon