Mauj_e_Darya

transliterator: thothica

work_id: "55b25cac-46ff-446c-bfe7-0ae5b8541ad8" work_slug: "allama-iqbal-bang-e-dara-part-1-55b25c" work_title: "Bang-E-Dara Part 1" author_name: Allama Iqbal chapter_number: 31 chapter_title: Mauj_e_Darya chapter_slug: "31-mauj-e-darya" variant_id: "14d79d4c-ee8b-4652-be4e-c677171284d6" content_type: transliteration layout: verse language: Urdu source_language: Urdu language_direction: ltr script: latin word_count: 88 estimated_read_time: 1

Muztarib rakhta hai mera dil-e-betaab mujhe Ain hasti hai tarap soorat-e-seemab mujhe Mauj hai naam mera, behr hai payaab mujhe Ho na zanjeer kabhi halqa-e-girdab mujhe Aab mein misl-e-hawa jaata hai tausan mera Khaar maahi se na atka kabhi daaman mera Mein uchhalti hoon kabhi jazb-e-mah-e-kaamil se Josh mein sar ko patakti hoon kabhi saahil se Hoon woh rehro ke mohabbat hai mujhe manzil se Kyun tarapti hoon, yeh poochhe koi mere dil se Zehmat tangi-e-darya se garezaan hoon mein Vus'at behr ki furqat mein pareshan hoon mein