Ehd-e-Tifli

transliterator: thothica

work_id: "55b25cac-46ff-446c-bfe7-0ae5b8541ad8" work_slug: "allama-iqbal-bang-e-dara-part-1-55b25c" work_title: "Bang-E-Dara Part 1" author_name: Allama Iqbal chapter_number: 19 chapter_title: "Ehd-e-Tifli" chapter_slug: "19-ehd-e-tifli" variant_id: "0aa080e4-2bd0-461c-8d4d-c0288c48b3ee" content_type: transliteration layout: verse language: Urdu source_language: Urdu language_direction: ltr script: latin word_count: 87 estimated_read_time: 1

Ehd-e-Tifli

Thay dayaar-e-nau, zameen o aasmaan meray liye Vus'at-e- aaghosh-e-maadar ik jahaan meray liye Thi har ik jumbish nishaan-e-lutf-e-jaan meray liye Harf-e- be-matlab thi khud meri zubaan meray liye Dard , tifli mein agar koi rulaata tha mujhe Shorish-e- zanjeer-e-dar mein lutf aata tha mujhe Taktay rehna haaye! woh pehron talak soo-e-qamar Woh phatay baadal mein be-aawaaz pa uss ka safar Poochna reh reh ke uss ke koh-o-sahra ki khabar Aur woh hairat-e-darogh-e-maslihat-aamez par Aankh waqf-e-deed thi, lab maa'il-e-guftaar tha Dil na tha mera, saraapa zauq-e-istifsaar tha