Dil

transliterator: thothica

work_id: "55b25cac-46ff-446c-bfe7-0ae5b8541ad8" work_slug: "allama-iqbal-bang-e-dara-part-1-55b25c" work_title: "Bang-E-Dara Part 1" author_name: Allama Iqbal chapter_number: 18 chapter_title: Dil chapter_slug: "18-dil" variant_id: "6f6224fe-a0d9-42d4-85ca-3edc0c56b291" content_type: transliteration layout: verse language: Urdu source_language: Urdu language_direction: ltr script: latin word_count: 123 estimated_read_time: 1

Dil (Dil)

Daar-o-rasan baazi-e-tiflaana-e-dil Iltija-e Arini' surkhi-e-afsaana-e-dil Rab is saaghar-e-labrez ki mai kya ho gi Jalwa-e- mulk-e-baqa hai khat-e-paimana-e-dil Abr-e- rehmat tha ke thi ishq ki bijli, Ya Rab! Jal gayi mazra-e-hasti to uga daana-e-dil Husn ka ganj-e-giraan-maaya tujhe mil jaata Aye Farhaad! na khoda kabhi veeraana-e-dil Arsh ka hai kabhi Kaabe ka hai dhoka us par Kis ki manzil hai Ilahi! mera kaashaana-e-dil Sab ko apna hai junoon aur mujhe sauda apna Kisi aur ka deewaana, main deewaana-e-dil Samajhta nahin aye zaahid-e-naadaan is ko Rashk-e- sad sajda hai ik laghzish-e-mastaana-e-dil Khaak ke dher ko ikseer bana deti hai Ye asar rakhti hai khaakistar-e-parwaana-e-dil Ishq ke daam mein phans kar yeh riha hota hai Barq girti hai to yeh nakhl hara hota hai