Laaon woh tinke kahin se aashiyane ke liye

transliterator: thothica

work_id: "55b25cac-46ff-446c-bfe7-0ae5b8541ad8" work_slug: "allama-iqbal-bang-e-dara-part-1-55b25c" work_title: "Bang-E-Dara Part 1" author_name: Allama Iqbal chapter_number: 8 chapter_title: Laaon woh tinke kahin se aashiyane ke liye chapter_slug: "08-laaon-woh-tinke-kahin-se-aashiyane-ke-liye" variant_id: "993c7834-1caa-4d75-b6d6-659f2269118f" content_type: transliteration layout: verse language: Urdu source_language: Urdu language_direction: ltr script: latin word_count: 125 estimated_read_time: 1

Laaon woh tinke kahin se aashiyane ke liye Bijliyan be-taab hon jin ko jalaane ke liye Waaye naakaami, falak ne taak kar toda use Main ne jis daali ko taada aashiyane ke liye Aankh mil jaati hai haftaad-o-do millat se teri Ek paimaana tera saare zamaane ke liye Dil mein koi is tarah ki aarzoo paida karoon Laut jaaye aasmaan mere mitaane ke liye Jama kar khirman toh pehle daana daana chun ke tu Aa hi nikle gi koi bijli jalaane ke liye Paas tha naakaami-e-sayyad ka ae hum-safeer Varna main, aur ud ke aata ek daane ke liye ! Iss chaman mein murgh-e-dil gaaye na aazaadi ka geet Aah yeh gulshan nahin aise taraane ke liye