Kahoon kya aarzoo-e be-dili mujh ko kahan tak hai

transliterator: thothica

work_id: "55b25cac-46ff-446c-bfe7-0ae5b8541ad8" work_slug: "allama-iqbal-bang-e-dara-part-1-55b25c" work_title: "Bang-E-Dara Part 1" author_name: Allama Iqbal chapter_number: 5 chapter_title: "Kahoon kya aarzoo-e be-dili mujh ko kahan tak hai" chapter_slug: "05-kahoon-kya-aarzoo-e-be-dili-mujh-ko-kahan-tak-hai" variant_id: "cd5e7480-49ee-464f-be47-2cc41b31755d" content_type: transliteration layout: verse language: Urdu source_language: Urdu language_direction: ltr script: latin word_count: 149 estimated_read_time: 1

Kahoon kya aarzoo-e be-dili mujh ko kahan tak hai Mere bazaar ki raunaq hi sauda-e ziyaan tak hai Woh mai-kash hoon farogh-e-mai se khud gulzaar ban jaaoon Hawaa-e gul firaaq-e saaqi-e na-mehrbaan tak hai Chaman afroz hai sayyaad meri khush-nawaai tak Rahi bijli ki be-taabi, so mere aashiyaan tak hai Woh musht-e-khaak hoon, faiz-e-pareshaani se sehra hoon Na poocho meri vus'at ki, zameen se aasmaan tak hai Jaras hoon, naala-e-khwaabeeda hai mere har rag-o-pai mein Yeh khaamoshi meri waqt-e-raheel-e-kaarvaan tak hai Sukoon dil se saamaan-e-kushood-e-kaar paida kar Keh uqda-e-khaatir-e-girdaab ka aab-e-rawaan tak hai Chaman zaar-e-mohabbat mein khaamoshi maut hai bulbul ! Yahan ki zindagi paabandi-e-rasm-e-faghaan tak hai Jawaani hai toh zauq-e-deed bhi, lutf-e-tamanna bhi Hamaare ghar ki aabaadi qiyaam-e-mehmaan tak hai Zamaane bhar mein ruswa hoon magar ae vaaye naadaani ! Samajhta hoon keh mera ishq mere raazdaan tak hai