Chapter 79

Vi_79

atha na naktaṃ gṛhītenodakena śrāddhaṃ kuryāt // Vi_79.1 //

kuśābhāve kuśasthāne kāśān dūrvāṃ vā dadyāt // Vi_79.2 //

vāso 'rthe kārpāsotthaṃ sūtram // Vi_79.3 //

daśāṃ visarjayet yady apy ahatavastrajā syāt // Vi_79.4 //

ugragandhīny agandhīni kaṇṭakijāni ca puṣpāṇi // Vi_79.5 //

śuklāni sugandhīni kaṇṭakijāny api jalajāni raktāny api dadyāt // Vi_79.6 //

vasāṃ medaṃ ca dīpārthe na dadyāt // Vi_79.7 //

ghṛtaṃ tailaṃ vā dadyāt // Vi_79.8 //

jīvajaṃ sarvaṃ dhūpārthe na dadyāt // Vi_79.9 //

madhughṛtasaṃyuktaṃ gugguluṃ dadyāt // Vi_79.10 //

candanakuṅkumakarpūrāgarupadmakāny anulepanārthe // Vi_79.11 //

na pratyakṣalavaṇaṃ dadyāt // Vi_79.12 //

hastena ca ghṛtavyañjanādi // Vi_79.13 //

taijasāni pātrāṇi dadyāt // Vi_79.14 //

viśeṣato rājatāni // Vi_79.15 //

khaḍgakutapakṛṣṇājinatilasiddhārthakākṣatāni ca pavitrāṇi rakṣoghnāni ca nidadhyāt // Vi_79.16 //

pippalīmukundakabhūstṛṇaśigrusarṣapasurasāsarjakasuvarcalakūśmāṇḍālābuvārtākapālakyopodakītaṇḍulīyakakusumbhapiṇḍālukamahiṣīkṣīrāṇi varjayet // Vi_79.17 //

rājamāṣamasūraparyuṣitakṛtalavaṇāni ca // Vi_79.18 //

kopaṃ pariharet // Vi_79.19 //

nāśru pātayet // Vi_79.20 //

na tvarāṃ kuryāt // Vi_79.21 //

ghṛtādidāne taijasāni pātrāṇi khaḍgapātrāṇi phalgupātrāṇi ca praśastāni // Vi_79.22 //

atra ca śloko bhavati // Vi_79.23 //

sauvarṇarājatābhyāṃ ca khaḍgenaudumbareṇa vā /

dattam akṣayyatāṃ yāti phalgupātreṇa cāpy atha || Vi_79.24 ||