Chapter 58

Vi_58

atha gṛhāśramiṇas trividho 'rtho bhavati // Vi_58.1 //

śuklaḥ śabalo 'sitaś ca // Vi_58.2 //

śuklenārthena yad+aurdhvadehikaṃ karoti tenāsya devatvam āsādayati // Vi_58.3 //

yac chabalena tan mānuṣyam // Vi_58.4 //

yat kṛṣṇena tat tiryaktvam // Vi_58.5 //

svavṛttyupārjitaṃ sarveṣāṃ śuklam // Vi_58.6 //

anantaravṛttyupāttaṃ śabalam // Vi_58.7 //

ekāntaritavṛttyupāttaṃ ca kṛṣṇam // Vi_58.8 //

kramāgataṃ prītidāyaṃ prāptaṃ ca saha bhāryayā /

aviśeṣeṇa sarveṣāṃ dhanaṃ śuklam udāhṛtam || Vi_58.9 ||

utkocaśulkasaṃprāptam avikreyasya vikrayaiḥ /

kṛtopakārād āptaṃ ca śabalaṃ samudāhṛtam || Vi_58.10 ||

pārśvikadyūtacauryāpta pratirūpakasāhasaiḥ /

vyājenopārjitaṃ yac ca tat kṛṣṇaṃ samudāhṛtam || Vi_58.11 ||

yathāvidhena dravyeṇa yat kiṃcit kurute naraḥ /

tathāvidham avāpnoti sa phalaṃ pretya ceha ca || Vi_58.12 ||