Chapter 31

Vi_31

trayaḥ puruṣasyātiguravo bhavanti // Vi_31.1 //

mātā pitā ācāryaś ca // Vi_31.2 //

teṣāṃ nityam eva śuśrūṣuṇā bhavitavyam // Vi_31.3 //

yat te brūyus tat kuryāt // Vi_31.4 //

teṣāṃ priyahitam ācaret // Vi_31.5 //

na tair ananujñātaḥ kiṃcid api kuryāt // Vi_31.6 //

eta eva trayo vedā eta eva trayaḥ surāḥ /

eta eva trayo lokā eta eva trayo 'gnayaḥ || Vi_31.7 ||

pitā gārhaptyo 'gniḥ dakṣināgnir mātā gurur āhavanīyaḥ // Vi_31.8 //

sarve tasyādṛtā dharmā yasyaite traya ādṛtāḥ /

anādṛtyās tu yasyaite sarvās tasyāphalāḥ kriyāḥ || Vi_31.9 ||

imaṃ lokaṃ mātṛbhaktyā pitṛbhaktyā tu madhyamam /

guruśuśrūṣayā tv eva brahmalokaṃ samāśnute || Vi_31.10 ||