Chapter 100

Vi_100

dharmaśāstram idaṃ śreṣṭhaṃ svayaṃ devena bhāṣitam /

ye dvijā dhārayiṣyanti teṣāṃ svarge gatiḥ parā || Vi_100.1 ||

idaṃ pavitraṃ maṅgalyaṃ svargyam āyuṣyam eva ca /

jñānaṃ caiva yaśasyaṃ ca dhanasaubhāgyavardhanam || Vi_100.2 ||

adhyetavyaṃ dhāraṇīyaṃ śrāvyaṃ śrotavyam eva ca /

śrāddheṣu śrāvaṇīyaṃ ca bhūtikāmair naraiḥ sadā || Vi_100.3 ||

ya idaṃ paṭhate nityaṃ bhūtikāmo naraḥ sadā /

idaṃ rahasyaṃ paramaṃ kathitaṃ ca dhare tava || Vi_100.4 ||

mayā prasannena jagaddhitārthaṃ saubhāgyam etat paramaṃ yaśasyam /

duḥsvapnanāśaṃ bahupuṇyayuktaṃ śivālayaṃ śāśvatadharmaśāstram || Vi_100.5 ||

[End of Part 2 = end of Viṣṇu.]