Welund him be wurman wraeces cunnade,
Medieval Unknown old_englishtransliterator: thothica
work_id: "d5fe9e58-3f94-4c5e-961f-267c5e2f09f4" work_slug: "unknown-old-english-elegies-d5fe9e" work_title: Old English Elegies author_name: Unknown chapter_number: 13 chapter_title: Welund him be wurman wraeces cunnade, chapter_slug: "13-welund-him-be-wurman-wraeces-cunnade" variant_id: "d56982a6-c0bb-4e84-9b68-018d77d059f9" content_type: transliteration layout: prose language: old_english source_language: old_english language_direction: ltr script: latin word_count: 224 estimated_read_time: 2
Welund him be wurman wraeces cunnade, anhydig eorl earfotha dreag, haefde him to gesiththe sorge ond longath, wintercealde wraece; wean oft onfond, siththan hine Nithhad on nede legde, swoncre seonobende on syllan monn. thaes ofereode, thisses swa maeg!
Beadohilde ne waes hyre brothra death on sefan swa sar swa hyre sylfre thing, thaet heo gearolice ongieten haefde thaet heo eacen waes; aefre ne meahte thriste gethencan, hu ymb thaet sceolde. thaes ofereode, thisses swa maeg!
We thaet Maethhilde monge gefrugnon wurdon grundlease Geates frige, thaet hi seo sorglufu slaep ealle binom. thaes ofereode, thisses swa maeg!
theodric ahte thritig wintra Maeringa burg; thaet waes monegum cuth. thaes ofereode, thisses swa maeg!
We geascodan Eormanrices wylfenne gethoht; ahte wide folc Gotena rices. thaet waes grim cyning. Saet secg monig sorgum gebunden, wean on wenan, wyscte geneahhe thaet thaes cynerices ofercumen waere. thaes ofereode, thisses swa maeg!
Siteth sorgcearig, saelum bidaeled, on sefan sweorceth, sylfum thinceth thaet sy endeleas earfotha dael. Maeg thonne gethencan, thaet geond thas woruld witig dryhten wendeth geneahhe, eorle monegum are gesceawath, wislicne blaed, sumum weana dael. thaet ic bi me sylfum secgan wille, thaet ic hwile waes Heodeninga scop, dryhtne dyre. Me waes Deor noma. Ahte ic fela wintra folgath tilne, holdne hlaford, oththaet Heorrenda nu, leothcraeftig monn londryht gethah, thaet me eorla hleo aer gesealde. thaes ofereode, thisses swa maeg!