Nu ic onsundran the secgan wille ...... treocyn ic tudre aweox; in mec aeld... sceal ellor londes se
Medieval Unknown old_englishtransliterator: thothica
work_id: "d5fe9e58-3f94-4c5e-961f-267c5e2f09f4" work_slug: "unknown-old-english-elegies-d5fe9e" work_title: Old English Elegies author_name: Unknown chapter_number: 8 chapter_title: Nu ic onsundran the secgan wille ...... treocyn ic tudre aweox; in mec aeld... sceal ellor londes se chapter_slug: "08-nu-ic-onsundran-the-secgan-wille-treocyn-ic-tudre-" variant_id: "6295f5a2-1dcf-435b-94c5-66541ab8cc69" content_type: transliteration layout: prose language: old_english source_language: old_english language_direction: ltr script: latin word_count: 286 estimated_read_time: 2
Nu ic onsundran the secgan wille ...... treocyn ic tudre aweox; in mec aeld... sceal ellor londes settan ...... sealte streamas ...sse. Ful oft ic on bates gesohte thaer mec mondryhten min ...... ofer heah hofu; eom nu her cumen on ceolthele, ond nu cunnan scealt hu thu ymb modlufan mines frean on hyge hycge. Ic gehatan dear thaet thu thaer tirfaeste treowe findest. Hwaet, thec thonne biddan het se thisne beam agrof thaet thu sinchroden sylf gemunde on gewitlocan wordbeotunga, the git on aerdagum oft gespraecon, thenden git moston on meoduburgum eard weardigan, an lond bugan, freondscype fremman. Hine faehtho adraf of sigetheode; heht nu sylfa the lustum laeran, thaet thu lagu drefde, siththan thu gehyrde on hlithes oran galan geomorne geac on bearwe. Ne laet thu thec siththan sithes getwaefan, lade gelettan lifgendne monn. Ongin mere secan, maewes ethel, onsite saenacan, thaet thu suth heonan ofer merelade monnan findest, thaer se theoden is thin on wenum. Ne maeg him worulde willa gelimpan mara on gemyndum, thaes the he me saegde, thonne inc geunne alwaldend god ...... aetsomne siththan motan secgum ond gesithum s... naeglede beagas; he genoh hafath f ae dan goldes ...d eltheode ethel healde, faegre foldan ...ra haeletha, theah the her min wine... nyde gebaeded, nacan ut athrong, ond on ytha geong ...... sceolde faran on flotweg, forthsithes georn, mengan merestreamas. Nu se mon hafath wean oferwunnen; nis him wilna gad, ne meara ne mathma ne meododreama, aenges ofer eorthan eorlgestreona, theodnes dohtor, gif he thin beneah ofer eald gebeot incer twega. Gecyre ic aetsomne S R geador EA W ond D athe benemnan, thaet he tha waere ond tha winetreowe be him lifgendum laestan wolde, the git on aerdagum oft gespraeconn.