Me lifes onlah se this leoht onwrah,
Medieval Unknown old_englishtransliterator: thothica
work_id: "d5fe9e58-3f94-4c5e-961f-267c5e2f09f4" work_slug: "unknown-old-english-elegies-d5fe9e" work_title: Old English Elegies author_name: Unknown chapter_number: 7 chapter_title: Me lifes onlah se this leoht onwrah, chapter_slug: "07-me-lifes-onlah-se-this-leoht-onwrah" variant_id: "a7efa9f8-9f0c-41f1-bde7-e15cd7b946d3" content_type: transliteration layout: prose language: old_english source_language: old_english language_direction: ltr script: latin word_count: 497 estimated_read_time: 4
Me lifes onlah se this leoht onwrah, ond that torhte yeteoh, tilliche onwrah. Glad was ic gliwum, glenged hiwum, blissa bleoum, blostma hiwum. Secgas mec segon, symbel ne alegon, feoh-yiefe yefegon; fratwed wagon wigg ofer wongum wennan gongum, lisse mid longum leoma yehongum. tha was wastmum aweaht, world onspreht, under roderum areaht, radmagne ofer-theaht. Yiestas yengdon, yershype mengdon, lisse lengdon, lustum glengdon. Shrifen shrad glad thurh yeshad in brad, was on lagustreame lad, thar me leothu ne biglad. Hafde ic heanne had, ne was me in healle gad, that thar rof weord rad. Oft thar rinc yebad, that he in sele sage sinc-yewage, thegnum yethyhte. thenden was me magen, horshe mec heredon, hilde yeneredon, fagre feredon, feondon biweredon. Swa mec hyht-yiefu heold, hygedryht befeold, stathol-ahtum steold, stepegongum weold swylce eorthe ol, ahte ic ealdorstol, galdorwordum gol. Gomen sibbe ne ofoll, ac was yefest gear, gellende sner, wuniendo war wilbec beshar. Shalkas waron sharpe, shyl was hearpe, hlude hlynede, hleothor dynede, sweglrad swinsade, swithe ne minsade. Burgsele beofode, beorht hlifade, ellen eacnade, ead beacnade, freaum frodade, fromum godade, mod magnade, mine fagnade, treow telgade, tir welgade, blad blissade, gold yearwade, gim hwearfade, sinc searwade, sib nearwade. From ic was in fratwum, freolic in yeatwum; was min dream dryhtlic, drohtath hyhtlic. Foldan ic freothode, folcum ic leothode, lif was min longe, leodum in yemonge, tirum yetonge, teala yehonge. Nu min hrether is hreoh, heofsithum sheoh, nydbysgum neah; yewiteth nihtes in fleah se ar in dage was dyre. Shritheth nu deop in feore brondhord yeblowen, breostum in forgrowen, flyhtum toflowen. Flah is yeblowen miclum in yemynde; modes yecynde greteth ungrynde grorn efenpynde, bealofus byrneth, bittre toyrneth. Werig winneth, widsith onginnet, sar ne sinnith, sorgum cinnith, blad his blinnith, blisse linnith, listum linneth, lustum ne tinneth. Dreamas swa her yedreosath, dryhtshype yehreosath, lif her men forleosath, leahtras oft yeceosath; treow-thrag is to trag, seo untrume yenag, steapum eatole mis-thah, ond eal stund yenag. Swa nu world wendeth, wyrde sendeth, ond hetes henteth, halethe shyndeth. Wercyn yewiteth, walgar sliteth, flahmah fliteth, flan mon hwiteth, borgsorg biteth, bald ald thwiteth, wrac-fac writhath, wrath ath smiteth, singryn sidath, searofearo glideth, gromtorn grafeth, graft hafath, searohwit solath, sumurhat colath, foldwela falleth, feondshipe walleth, eorth-magen ealdath, ellen colath. Me that wyrd yewaf, ond yewyrht foryeaf, that ic grofe graf, ond that grimme graf flean flashe ne mag, thonne flanhred dag nydgrapum nimeth, thonne seo neaht becymeth seo me etheles ofonn ond mec her eardes onconn. thonne lichoma ligeth, lima wyrm friteth, ac him wenne yewigeth ond tha wist yethygeth, oth-that beoth tha ban an, ond at nyhstan nan nefne se neda tan balawun her yehloten. Ne bith se hlisa adroren. ar that eadig yethenceth, he hine the oftor swenceth, byrgeth him tha bitran synne, hogath to thare betran wynne, yemon mortha lisse, thar sindon miltsa blisse hyhtlice in heofona riche. Uton nu halgum yeliche shyldum bishyrede shyndan yenerede, wommum biwerede, wuldre yenerede, thar moncyn mot for meotude rot sothne god yeseon, ond aa in sibbe yefean.