Chapter 47

[vṛddheḥ parimāṇaṃ]

grāhyaṃ syād dviguṇaṃ dravyaṃ prayuktaṃ dhanināṃ sadā /

labhate cen na dviguṇaṃ punar vṛddhiṃ prakalpayet // K_509 //

maṇimuktāpravālānāṃ suvarṇarajatasya ca /

tiṣṭhati dviguṇā vṛddhiḥ phālakaiṭāvikasya ca // K_510 //

tailānāṃ caiva sarveṣāṃ madyānām atha sarpiṣām /

vṛddhir aṣṭaguṇā jñeyā guḍasya lavaṇasya ca // K_511 //

kupyaṃ pañcaguṇaṃ bhūmis tathaivāṣṭaguṇā matā /

sadya eveti vacanāt sadya eva pradīyate // K_512 //