jarahat tohfa, almas armaghan, dagh-e-jigar hadiya

transliterator: thothica

work_id: "74ed4c1c-c3d2-47b4-b350-4539659ce0f9" work_slug: "mirza-ghalib-diwan-e-ghalib-74ed4c" work_title: "Diwan-E-Ghalib" author_name: Mirza Ghalib chapter_number: 222 chapter_title: "jarahat tohfa, almas armaghan, dagh-e-jigar hadiya" chapter_slug: "222-jarahat-tohfa-almas-armaghan-dagh-e-jigar-hadiya" variant_id: "b197f054-a719-43ec-9c35-7f605ec82fe9" content_type: transliteration layout: verse language: Urdu source_language: Urdu language_direction: ltr script: latin word_count: 56 estimated_read_time: 1

jarahat tohfa, almas armaghan, dagh-e-jigar hadiya mubarakbaad Asad, gham-khwaar-e-jaan-e-daradmand aaya

junoon garm-e-intezaar o naala-e-betaabi kamand aaya suwaida ta ba-lab zanjeeri-e-dood-e-sipand aaya

mah-e-akhtar-fishaan ki behr-e-istaqbaal aankhon se tamasha kishwar-e-aaina mein aaina-band aaya

taghaful, bad-gumaani, balkeh meri sakht-jaani se nigaah-e-be-hijaab-e-naaz ko beem-e-gazand aaya

faza-e-khanda-e-gul tang o zauq-e-aish be-parwa faraghat-gaah-e-aaghosh-e-wida-e-dil-pasand aaya

adam hai khair-khwah-e-jalwa ko zindaan-e-betaabi khiraam-e-naaz barq-e-khirman-e-sa'i-e-sipand aaya