Raftaar-e-umr qat-e-raah-e-iztiraab hai

transliterator: thothica

work_id: "74ed4c1c-c3d2-47b4-b350-4539659ce0f9" work_slug: "mirza-ghalib-diwan-e-ghalib-74ed4c" work_title: "Diwan-E-Ghalib" author_name: Mirza Ghalib chapter_number: 167 chapter_title: "Raftaar-e-umr qat-e-raah-e-iztiraab hai" chapter_slug: "167-raftaar-e-umr-qat-e-raah-e-iztiraab-hai" variant_id: "3d795068-d02d-4834-b303-b9436c0aeb78" content_type: transliteration layout: verse language: Urdu source_language: Urdu language_direction: ltr script: latin word_count: 107 estimated_read_time: 1

Raftaar-e-umr qat-e-raah-e-iztiraab hai Is saal ke hisaab ko barq aaftaab hai

Meena-e-may hai sarv-e-nishaat-e-bahaar se Baal-e-tazarv jalwa-e-mauj-e-sharaab hai

Zakhmi hua hai paashna-e-paa-e-sabaat ka Ne bhaagne ki goo'n na iqaamat ki taab hai

Jaadaad-e-baada-noshi-e-rindaan hai shash-jihat Ghaafil gumaan kare hai ke geeti kharaab hai

Nazaara kya hareef ho us barq-e-husn ka Josh-e-bahaar jalwe ko jiske naqaab hai

Main na-muraad dil ki tasalli ko kya karun Maana ke tere rukh se nigeh kaamyaab hai

Guzra Asad musarrat-e-paighaam-e-yaar se Qaasid pe mujh ko rashk-e-sawaal-o-jawaab hai

Zaahir hai tarz-e-qaid se sayyaad ki gharz Jo daana daam mein hai so ashk-e-kabaab hai

Be-chashm-e-dil na kar hawas-e-sair-e-laala-zaar Yaani yeh har warq warq-e-intikhaab hai