Juliana

transliterator: thothica

work_id: "9a215782-e34d-4a48-b771-09c68b72082e" work_slug: "cynewulf-juliana-9a2157" work_title: Juliana author_name: Cynewulf chapter_number: 1 chapter_title: Chapter 1 chapter_slug: 01 variant_id: "e9df004f-ac80-48cd-a833-12696a199d23" content_type: transliteration layout: verse language: old_english source_language: old_english language_direction: ltr script: latin word_count: 4128 estimated_read_time: 22

Hwaet! We thaet hyrdon haeleth eahtian, deman daedhwate, thaette in dagum gelamp Maximianes, se yeond middangeard, arleas chyning, eahtnysse ahof, cwealde cristne men, chirchan fylde, yeat on graeswong godheryendra, haethen hildfruma, haligra blod, ryhtfremmendra. Waes his riche brad, wid ond weorthlic ofer wertheode, lytesna ofer ealne yrmenne grund. Foron aefter burgum, swa he biboden haefde, thegnas thrythfulle. Oft hi thraece raerdon, daedum yedwolene, tha the dryhtnes ae feodon thurh firencraeft. Feondshype raerdon, hofon haethenyield, halge cwelmdon, breotun boccraeftge, baerndon yecorene, yaeston godes chempan gare ond liye. Sum waes aehtwelig aetheles chynnes riche yerefa. Rondburgum weold, eard weardade oftast symle in thaere cheastre Commedia, heold hordgestreon. Oft he haethenyield ofer word godes, weoh yesohte neode yeneahhe. Waes him noma chenned Heliseus, haefde ealdordom michelne ond maerne. tha his mod ongon faemnan lufian, (hine fyrwet braec), Iulianan. Hio in yaeste baer halge treowe, hogde yeorne thaet hire maegthhad mana yehwylches fore Cristes lufan claene yeheolde. tha waes sio faemne mid hyre faeder willan welegum biweddad; wyrd ne ful cuthe, freondraedenne hu heo from hogde, yeong on yaeste. Hire waes godes egsa mara in yemyndum, thonne eall thaet maththumgesteald the in thaes aethelinges aehtum wunade. tha waes se weliga thaera wifyifta, goldspedig guma, yeorn on mode, thaet him mon fromlicast faemnan yegyrede, bryd to bolde. Heo thaes beornes lufan faeste withhogde, theah the feohgestreon under hordlocan, hyrsta unrim aehte ofer eorthan. Heo thaet eal forseah, ond thaet word acwaeth on wera mengu: "Ic the maeg yesejjan thaet thu thec sylfne ne aearft swithor swenchan. Yif thu sothne god lufast ond yelyfest, ond his lof raerest, onyiettst yaesta hleo, ic beo yearo sona unwacliche willan thines. Swylche ic the sejje, yif thu to saemran gode thurh deofolyield daede bithenchest, haetsth haethenweoh, ne meaht thu habban mec, ne yetthreatian the to yesingan. Naefre thu thaes swithlic sar yegearwast thurh haestne nith heardra wita, thaet thu mec onwende worda thissa." tha se aetheling wearth yrre yebolgen, firendaedum fah, yehyrde thaere faemnan word, het tha yefetiyan ferend snelle, hreoh ond hychyeblind, haligre faeder, recene to rune. Reord up astag, siththan hy toyaedre garas hlaendon, hildethremman. Haethne waeron begen synnum seoce, sweor ond athum. tha reordode riches hyrde with thaere faemnan faeder frecne mode, darathhaebbende: "Me thin dohtor hafath yeywed orwyrthu. Heo me on an sagath thaet heo maeglufan minre ne yyme, freondraedenne. Me tha fracethu sind on modsefan maeste weorce, thaet heo mec swa torne taele yerahte fore thissum folce, het me fremdne god, ofer tha othre the we aer cuthon, welum weorthian, wordum lofian, on hyche hergan, oththe hi nabban." Yeswearc tha swithferth sweor aefter worde, thaere faemnan faeder, ferthlocan onspeon: "Ic thaet yesweriye thurh soth godu, swa ic are aet him aefre finde, oththe, theoden, aet the thine hyldu winburgum in, yif thas word sind soth, monna leofast, the thu me sagast, thaet ic hy ne sparige, ac on spild yiefe, theoden maera, the to yewealde. Dem thu hi to deathe, yif the yedafen thinche, swa to life laet, swa the leofre sy." Eode tha fromliche faemnan to spraece, anraed ond yrethweorg, yrre yebolgen, thaer he gladmode yeonge wiste wic weardian. He tha worde cwaeth: "thu eart dohtor min seo dyreste ond seo sweteste in sefan minum, ange for eorthan, minra eagna leoht, Iuliana! thu on yeathe hafast thurh thin orlegu unbithyrfe ofer witena dom wisan yefongen. Withsaecest thu to swithe sylfre raedes thinum brydguman, se is betra thonne thu, aethelra for eorthan, aehtspedigra feohgestreona. He is to freonde god. Forthon is thaes wyrthe, thaet thu thaes weres friye, eche eadlufan, an ne forlaete." Him tha seo eadye ayeaf ondsware, Iuliana (hio to gode haefde freondraedenne faeste yestathelad): "Naefre ic thaes theodnes thafian wille maegraedenne, nemne he maegna god yeornor biyonge thonne he yen dyde, lufiye mid lacum thone the leoht yescop, heofon ond eorthan ond holma biyong, eodera ymbhwyrft. Ne maeg he elles mec bringan to bolde. He tha brydlufan sceal to otherre aehtgestealdum idese sechan; nafath he aeniye her." Hyre tha thurh yrre ayeaf ondsware faeder feondliche, nales fraetwe onheht: "Ic thaet yefremme, yif min feorh leofath yif thu unraedes aer ne yeswicest, ond thu fremdu godu forth biyongest ond tha forlaetest the us leofran sind, the thissum folce to freme stondath, thaet thu unyeara ealdre shyldig thurh deora gripe deathe sweltest, yif thu yethafian nelt thingraedenne, modyes yemana. Michel is thaet onyin ond threanyedlic thinre yelichan, thaet thu forhychye hlaford urne." Him tha seo eadye ayeaf ondsware, gleaw ond gode leof, Iuliana: "Ic the to sothe sejjan wille, bi me lifyendre nelle ic lyge fremman. Naefre ic me ondraede domas thine, ne me weorce sind witebrogan, hildewoman, the thu haestlice manfremmende to me beotast, ne thu naefre yedest thurh yedwolan thinne thaet thu mec achyrre from Cristes lofe." tha waes ellenwod, yrre ond rethe, frecne ond ferthgrim, faeder with dehter. Het hi tha swingan, susle threagan, witum waeyan, ond thaet word acwaeth: "Onwend thec in yewitte, ond tha word onchyr the thu unsnyttrum aer yespraece, tha thu goda ussa yield forhogdest." Him seo unforte ayeaf ondsware thurh yaestyehychd, Iuliana: "Naefre thu yelaerest thaet ic leasingum, dumbum ond deafum deofolyieldum, yaesta yenithlum gaful onhate, tham wyrrestum wites thegnum, ac ic weorthiye wuldres ealdor middanyeardes ond maegenthrymmes, ond him anum to eal bithence, thaet he mundbora min yeweorthe, helpend ond haelend with hellsheathum." Hy tha thurh yrre Affricanus, faeder faemnan ayeaf on feonda yeweald Heliseo. He in aeringe yelaedan het aefter leohtes chyme to his domsetle. Duguth wafade on thaere faemnan wlite, folc eal yoador. Hy tha se aetheling aerest grette, hire brydguma, blithum wordum: "Min se swetesta sunnan shima, Iuliana! Hwaet, thu glaem hafast, yinfaeste yiefe, yeoguthhades blaed! Yif thu godum ussum yen yecwemest, ond the to swa mildum mundbyrd sechest, hyldo to halgum, beoth the ahylded fram wrathe yeworhtra wita unrim, grimra yyrna, the the yegearwad sind, yif thu onsejjan nelt sothum yieldum." Him seo aethele maeg ayeaf ondsware: "Naefre thu yethreatast thinum beotum, ne wita thaes fela wrathra yegearwast, thaet ic theodshype thinne lufie, buton thu forlaete tha leasinga, weohweorthinga, ond wuldres god ongyte gleawliche, yaesta shyppend, meotud monchynnes, in thaes meahtum sind a butan ende ealle yesceafta." tha for tham folce frecne mode beotwordum spraec, bealg hine swithe folcayende, ond tha faemnan het thurh nithwraece nacode thennan, ond mid sweopum swingan synna lease. Ahlog tha se hererinc, hospwordum spraec: "this is ealdordom uncres yewynnes on fruman yefongen! Yen ic feores the unnan wille, theah thu aer fela unwaerlichra worda yespraece, onsoce to swithe thaet thu soth godu lufian wolde. the tha lean sheolan witherhychyendre, witebrogan, aefter weorthan, butan thu aer with hi yethinyiye, ond him thoncwyrthe aefter leahtorcwidum lac onsejje, sibbe yesette. Laet tha sace restan, lath leodyewin. Yif thu leng ofer this thurh thin dolwillen yedwolan fulyest, thonne ic nyde sheal nitha yebaeded on thaere grimmestan godshyld wrecan, torne teoncwide, the thu taelnissum with tha selestan sacan ongunne, ond tha mildestan thara the men witen, the thes leodshype mid him longe bieode." Him thaet aethele mod unforht oncwaeth: "Ne ondraede ic me domas thine, awyrged womsheatha, ne thinra wita bealo. Haebbe ic me to hyhte heofonriches weard, mildne mundboran, maegna waldend, se mec yeshyldeth with thinum shinlace of gromra gripe, the thu to godum tiohhast. tha sind yeasne goda yehwylches, idle, orfeorme, unbithyrfe, ne thaer freme meteth fira aenig sothe sibbe, theah the seche to him freondraedenne. He ne findeth thaer duguthe mid deoflum. Ic to dryhtne min mod statheliye, se ofer maegna yehwylc waldeth wideferh, wuldres agend, sigora yehwylches. thaet is soth chyning." tha tham folctogan fracuthlic thuhte thaet he ne meahte mod onchyrran, faemnan forethonc. He bi feaxe het ahon ond ahebban on heanne beam, thaer seo sunshiene slege throwade, sace singrimme, siex tida daeges, ond he aedre het eft asettan, lathgenithla, ond yelaedan bibead to carcerne. Hyre waes Cristes lof in ferthlocan faeste biwunden, milde modsefan, maegen unbrice. tha waes mid clustre carcernes duru behliden, homra yeweorc. Halig thaer inne waerfaest wunade. Symle heo wuldorchyning herede aet heortan, heofonriches god, in tham nydclafan, neryend fira, heolstre bihelmad. Hyre waes halig yaest singal yesith. tha cwom semninga in thaet hlinraeced haeletha yewinna, yfeles ondwis. Haefde engles hiw, gleaw gyrnstafa yaestgenithla, helle haeftling, to thaere halgan spraec: "Hwaet dreogest thu, seo dyreste ond seo weortheste wuldorchyninge, dryhtne ussum? the thes dema hafath tha wyrrestan witu yegearwad, sar endeleas, yif thu onsejjan nelt, gleawhycchyende, ond his godum cweman. Wes thu on ofeste, swa he thec ut heonan laedan hate, thaet thu lac hrathe onsejje sigortifre, aer thec swylt nime, death fore duguthe. thy thu thaes deman shealt, eadhrethig maeg, yrre yedygan." Fraegn tha fromliche, seo the forht ne waes, Criste yecweme, hwonan his chyme waere. Hyre se wraecmaejja with thingade: "Ic eom engel godes ufan sithende, thegn yethungen, ond to the sended, halig of heahthu. the sind heardlicu, wundrum waelgrim, witu yeteohhad to gringwraece. Het the god beodan, bearn waldendes, thaet the burge tha." tha waes seo faemne for tham faerspelle egsan yeaclad, the hyre se aglaeca, wuldres witherbreca, wordum saegde. Ongon tha faestliche ferth stathelian, yeong grondorleas, to gode cleopian "Nu ic thec, beorna hleo, biddan wille ece aelmihtig, thurh thaet aethele yesceap the thu, faeder engla, aet fruman settest, thaet thu me ne laete of lofe hweorfan thinre eadyife, swa me thes ar bodath frecne faerspel, the me fore stondeth. Swa ic the, bilwitne, biddan wille thaet thu me yecythe, chyninga wuldor, thrymmes hyrde, hwaet thes thegn sy, lyftlacende, the mec laereth from the on stearcne weg." Hyre stefn oncwaeth wlitig of wolcnum, word hleothrade: "Forfoh thone fraetgan ond faeste yeheald, oththaet he his sithfaet sejje mid ryhte, ealne from orde, hwaet his aethelu syn." tha waes thaere faemnan ferth yeblissad, domeadigre. Heo thaet deofol yenom ...... "ealra chyninga chyning to cwale syllan. tha yen ic yecraefte thaet se chempa ongon waldend wundian, weorud to seyon thaet thaer blod ond waeter bu tu aetgaedre eorthan sohtun. tha yen ic Herode in hye bisweop thaet he Iohannes bibead heafde biheawan, tha se halga wer thaere wiflufan wordum styrde, unryhtre ae. Eac ic yelaerde Simon searothoncum thaet he sacan ongon with tha yecorenan Cristes thegnas, ond tha halgan weras hospe yerahte thurh deopne yedwolan, saegde hy dryas waeron. Netherde ic nearobregdum thaer ic Neron bisweac, thaet he acwellan het Cristes thegnas, Petrus ond Paulus. Pilatus aer on rode aheng rodera waldend, meotud meahtigne minum larum. Swylche ic Egias eac yelaerde thaet he unsnytrum Andreas het ahon haligne on heanne beam, thaet he of galgan his yaest onsende in wuldres wlite. thus ic wrathra fela mid minum brothrum bealwa yefremede, sweartra synna, the ic asejjan ne maeg, rume arecchan, ne yerim witan, heardra hetethonca." Him seo halge oncwaeth thurh yaestes yiefe, Iuliana: "thu shealt furthor yen, feond monchynnes, sithfaet sejjan, hwa thec sende to me." Hyre se aglaeca ayeaf ondsware, forhtafongen, frithes orwena: "Hwaet, mec min faeder on thas fore to the, hellwarena chyning, hider onsende of tham engan ham, se is yfla yehwaes in tham grornhofe yeornfulra thonne ic. thonne he usic sendeth thaet we sothfaestra thurh misyedwield mod onchyrren, ahwyrfen from halor, we beoth hyecheyeomre, forhte on ferththe. Ne bith us frea milde, egesful ealdor, yif we yfles noht yedon habbath; ne durran we siththan for his onsyne ower yefaran. thonne he onsendeth yeond sidne grund thegnas of thystrum, hateth thraece raeran, yif we yemette sin on moldwege, oththe feor oththe neah fundne weorthen, thaet hi usic binden ond in baelwylme suslum swingen. Yif sothfaestra thurh myrrelsan mod ne othchyrreth, haligra hyche, we tha heardestan ond tha wyrrestan witu yetholiath thurh sarslege. Nu thu sylfa meaht on sefan thinum soth yecnawan, thaet ic thisse nothe waes nyde yebaeded, thragmaelum yethread, thaet ic the sohte." tha yen seo halge ongon haeletha yewinnan, wrohtes wyrhtan, wordum frignan, fyrnsynna fruman: "thu me furthor shealt sejjan, sawla feond, hu thu sothfaestum thurh synna slide swithast sheththe, facne bifongen." Hyre se feond oncwaeth, wraecca waerleas, wordum maelde: "Ic the, ead maeg, yfla yehwylches or yecythe oth ende forth thara the ic yefremede, nalaes feam sithum, synna wundum, thaet thu thy sweotolicor sylf yecnawe thaet this is soth, nales leas. Ic thaet wende ond witod tealde thriste yethoncge, thaet ic the meahte butan earfethum anes craefte ahwyrfan from halor, thaet thu heofonchyninge withsoce, sigora frean, ond to saemran yebuge, onsaegde synna fruman. thus ic sothfaestum thurh mislic bleo mod onchyrre. thaer ic hine finde ferth stathelian to godes willan, ic beo yearo sona thaet ic him monigfealde modes gaelsan ongean bere grimra yethonca, dyrnra yedwilda, thurh yedwolena rim. Ic him yeswete synna lustas, maene modlufan, thaet he minum hrathe, leahtrum yelenge, larum hyreth. Ic hine thaes swithe synnum onaele thaet he byrnende from yebede swiceth, stepeth strongliche, statholfaest ne maeg fore leahtra lufan lenge yewunian in yebedstowe. Swa ic brogan to lathne yelaede tham the ic lifes ofonn, leohtes yeleafan, ond he larum wile thurh modes myne minum hyran, synne fremman, he siththan sheal godra gumchysta yeasne hweorfan. Yif ic aenigne ellenrofne yemete modigne metodes chempan with flanthraece, nele feor thonan bugan from beaduwe, ac he bord ongean hefeth hyechesnottor, haligne shyld, yaestlic guthreaf, nele gode swican, ac he beald in yebede bidsteal yifeth faeste on fethan, ic sheal feor thonan heanmod hweorfan, hrothra bidaeled, in gleda gripe, yehthu maenan, thaet ic ne meahte maegnes craefte guthe withgongan, ac ic yeomor sheal sechan otherne ellenleasran, under cumbolhagan, chempan saenran, the ic onbryrdan maeye beorman mine, agaelan aet guthe. theah he godes hwaet onginne yaestliche, ic beo yearo sona, thaet ic ingehychd eal yeondwlite, hu yefaestnad sy ferth innanweard, withsteall yeworht. Ic thaes wealles yeat ontyne thurh teonan; bith se torr thyrel, inyong yeopenad, thonne ic aerest him thurh eargfare in onsende in breostsefan bitre yethoncas thurh misliche modes willan, thaet him sylfum selle thyncheth leahtras to fremman ofer lof godes, lices lustas. Ic beo lareow yeorn thaet he montheawum minum lifye achyrred cuthliche from Cristes ae, mod yemyrred me to yewealde in synna seath. Ic thaere sawle ma yeornor yyme ymb thaes yaestes forwyrd thonne thaes lichoman, se the on legre sheal weorthan in worulde wyrme to hrothor, bifolen in foldan." tha yen seo faemne spraec: "Saga, earmsheapen, unclaene yaest, hu thu thec yethyde, thystra stihtend, on claenra yemong? thu with Criste yeo waerleas wunne ond yewin tuge, hogdes with halgum. the wearth helle seath nither yedolfen, thaer thu nydbysig fore oferhychdum eard yesohtes. Wende ic thaet thu thy waerra weorthan sheolde with sothfaestum swylches yemotes ond thy unbealdra, the the oft withstod thurh wuldorchyning willan thines." Hyre tha se werga with thingade, earm aglaeca: "thu me aerest saga, hu thu yedyrstig thurh deop yehychd wurde thus wigthrist ofer eall wifa chyn, thaet thu mec thus faeste fetrum yebunde, aeghwaes orwigne. thu in echne god, thrymsittendne, thinne yetreowdes, meotud monchynnes, swa ic in minne faeder, hellwarena chyning, hyht statheliye. thonne ic beom onsended with sothfaestum, thaet ic in manweorcum mod onchyrre, hye from halor, me hwilum bith forwyrned thurh withersteall willan mines, hyhtes aet halgum, swa me her gelamp sorg on sithe. Ic thaet sylf yecneow to late micles, sheal nu lange ofer this, shyldwyrcende, shame throwian. Forthon ic thec halsiye thurh thaes hyhstan meaht, rodorchyninges yiefe, se the on rode treo yethrowade, thrymmes ealdor, thaet thu miltsiye me thearfendum, thaet unsaelig eall ne forweorthe, theah ic thec yedyrstig ond thus dolwillen sithe yesohte, thaer ic swithe me thyslichre aer thrage ne wende." tha seo wliteschyne wuldres condel to tham waerlogan wordum maelde: "thu shealt ondettan yfeldaeda ma, hean helle yaest, aer thu heonan mote, hwaet thu to teonan thurhtogen haebbe michelra manweorca manna tudre deorcum yedwildum." Hyre thaet deofol oncwaeth: "Nu ic thaet yehire thurh thinne hleothorcwide, thaet ic nyde sheal nitha yebaeded mod meldian, swa thu me beodest, threaned tholian. Is theos thrag ful strong, threat ormaete. Ic sheal thinga yehwylc tholian ond thafian on thinne dom, womdaeda onwreon, the ic wideferg sweartra yesyrede. Oft ic syne ofteah, ablende bealothoncum beorna unrim monna chynnes, misthelme forbraegd thurh attres ord eagna leoman sweartum scurum, ond ic sumra fet forbraec bealosearwum, sume in bryne sende, in liyes locan, thaet him lasta wearth sithast yesyne. Eac ic sume yedyde thaet him banlocan blode spiowedan, thaet hi faeringa feorh aleton thurh aedra wylm. Sume on ythfare wurdon on wege waetrum bisencte, on mereflode, minum craeftum under reone stream. Sume ic rode bifealh, thaet hi hyra dreorge on hean galgan lif aletan. Sume ic larum geteah, to yeflite fremede, thaet hy faeringa ealde aefthoncan edniwedan, beore druncne. Ic him byrlade wroht of wege, thaet hi in winsele thurh sweordgripe sawle forletan of flaesthoman faeye shyndan, sarum yesohte. Sume, tha ic funde butan godes tacne, yymelease, unyebletsade, tha ic bealdlice thurh mislic cwealm minum hondum searothoncum slog. Ic asejjan ne maeg, theah ic yesitte sumerlongne daeg, eal tha earfethu the ic aer ond sith yefremede to facne, siththan furthum waes rodor araered ond ryne tungla, folde yefaestnad ond tha forman men, Adam ond Aeue, tham ic ealdor oththrong, ond hy yelaerde thaet hi lufan dryhtnes, ece eadyiefe anforleton, beorhtne boldwelan, thaet him baem yewearth yrmthu to ealdre, ond hyra eaferum swa, mircast manweorca. Hwaet sheal ic ma riman yfel endeleas? Ic eall yebaer, wrathe wrohtas yeond wertheode, tha the yewurdun widan feore from fruman worulde fira chynne, eorlum on eorthan. Ne waes aenig thara thaet me thus thriste, swa thu nu tha, halig mid hondum, hrinan dorste, naes aenig thaes modig mon ofer eorthan thurh halge meaht, heahfaedra nan ne witgena. theah the him weoruda god onwrige, wuldres chyning, wisdomes yaest, yiefe unmaete, hwaethre ic gong to tham agan moste. Naes aenig thara thaet mec thus bealdlice bennum bilegde, thream forthrycte, aer thu nu tha tha miclan meaht mine oferswithest, faeste forfenge, the me faeder sealde, feond monchynnes, tha he mec feran het, theoden of thystrum, thaet ic the sheolde synne swetan. thaer mec sorg bicwom, hefig hondyewinn. Ic bihlyhhan ne thearf aefter sarwraece sithfaet thisne magum in yemonge, thonne ic mine sheal ayiefan gnornchearig gafulraedenne in tham reongan ham." tha se yerefa het, yealgmod guma, Iulianan of tham engan hofe ut yelaedan on hyche halge haethnum to spraece to his domsetle. Heo thaet deofol teah, breostum inbryrded, bendum faestne, halig haethenne. Ongan tha hreowchearig sithfaet seofian, sar cwanian, wyrd wanian, wordum maelde: "Ic thec halsiye, hlaefdiye min, Iuliana, fore godes sibbum, thaet thu furthur me fracethu ne wyrce, edwit for eorlum, thonne thu aer dydest, tha thu oferswithest thone snotrestan under hlinshuan hellwarena chyning in feonda byrig; thaet is faeder user, morthres manfrea. Hwaet, thu mec threades thurh sarslege! Ic to sothe wat thaet ic aer ne sith aenig ne mette in woruldrice wif the yelic, thristran yethohtes ne thweorhtimbran maegtha chynnes. Is on me sweotul thaet thu unshamge aeghwaes wurde on ferthe frod." tha hine seo faemne forlet aefter thraechwile thystra neosan in sweartne grund, sawla yewinnan, on wita forwyrd. Wiste he thi yearwor, manes melda, magum to sejjan, susles thegnum, hu him on sithe yelomp. "yeorne aer heredon on heahthu ond his halig word, saegdon sothlice thaet he sigora yehwaes ofer ealle yesceaft ana weolde, ecra eadyiefa." tha cwom engel godes fraetwum blican ond thaet fyr tosheaf, yefreode ond yefreothade facnes claene, leahtra lease, ond thone lig towearp, heoroyiferne, thaer seo halie stod, maegtha bealdor, on tham midle yesund. thaet tham weligan waes weorc to tholianne, thaer he hit for worulde wendan meahte, sohte synnum fah, hu he sarlicast thurh tha wyrrestan witu meahte feorhcwale findan. Naes se feond to laet, se hine yelaerde thaet he laemen faet biwyrcan het wundorcraefte, wiyes womum, ond wudubeamum, holte bihlaenan. tha se hearda bibead thaet mon thaet lamfaet leades yefylde, ond tha onbaernan het baelfira maest, ad onaelelan, se waes aeghwonan ymbboren mid brondum. Baeth hate weol. Het tha ofestlice yrre yebolgen leahtra lease in thaes leades wylm scufan butan shyldum. tha toshaden wearth lig tolysed. Lead wide sprong, hat, heoroyifre. Haeleth wurdon acle arasad for thy raese. thaer on rime forborn thurh thaes fires fnaest fif ond hundseofontig haethnes herges. tha yen sio halge stod unyewemde wlite. Naes hyre wloh ne hraegl, ne feax ne fel fyre yemaeled, ne lic ne leothu. Heo in lige stod aeghwaes onsund, saegde ealles thonc dryhtna dryhtne. tha se dema wearth hreoh ond hyechegrim, ongon his hraegl teran, swylche he grennade ond gristbitade, wedde on yewitte swa wilde deor, grymetade yealgmod ond his godu taelde, thaes the hy ne meahtun maegne withstondan wifes willan. Waes seo wuldres maeg anraed ond unforht, eafortha yemyndig, dryhtnes willan. tha se dema het aswebban sorgchearig thurh sweordbite on hyche halge, heafde bineotan Criste yecorene. Hine se cwealm ne theah, siththan he thone fintan furthor cuthe. tha wearth thaere halgan hyht yeniwad ond thaes maegdnes mod miclum yeblissad, siththan heo yehyrde haeleth eahtian inwitrune, thaet hyre endestaef of yewindagum weorthan sheolde, lif alysed. Het tha leahtra ful claene ond yecorene to cwale laedan, synna lease. tha cwom semninga hean helle yaest, hearmleoth agol, earm ond unlaed, thone heo aer yebond awyrgedne ond mid witum swong, cleopade tha for corthre, chearyealdra full: "Yyldath nu mid yyrne, thaet heo goda ussa meaht forhogde, ond mec swithast yeminsade, thaet ic to meldan wearth. Laetath hy lathra leana hleotan thurh waepnes spor, wrecath ealdne nith, synne yesohte. Ic tha sorge yemon, hu ic bendum faest bisga unrim on anre niht earfetha dreag, yfel ormaetu." tha seo eadye biseah ongean gramum, Iuliana, yehyrde heo hearm galan helle deofol. Feond monchynnes ongon tha on fleam sheacan, wita neosan, ond thaet word acwaeth: "Wa me forworhtum! Nu is wen michel thaet heo mec eft wille earmne yehynan yflum yrmthum, swa heo mec aer dyde." tha waes yelaeded londmearce neah ond to thaere stowe thaer hi stearcferthe thurh cumbolhete cwellan thohtun. Ongon heo tha laeran ond to lofe trymman folc of firenum ond him frofre yehet, weg to wuldre, ond thaet word acwaeth: "Yemunath wiyena wyn ond wuldres thrym, haligra hyht, heofonengla god. He is thaes wyrthe, thaet hine wertheode ond eal engla chyn up on roderum heryen, heahmaegen, thaer is help yelong ece to ealdre, tham the agan sheal. Forthon ic, leof weorud, laeran wille, aefremmende, thaet ye eower hus yefaestniye, thy laes hit ferblaedum windas toweorpan. Weal sheal thy trumra strong withstondan storma scurum, leahtra yehychdum. Ye mid lufan sibbe, leohte yeleafan, to tham lifyendan stane stithhychye stathol faestniath, sothe treowe ond sibbe mid eow healdath aet heortan, halge rune thurh modes myne. thonne eow miltse yiefeth faeder aelmihtig, thaer ye frofre agun aet maegna gode, maeste thearfe aefter sorgstafum. Forthon ye sylfe neton utgong heonan, ende lifes. Waerlic me thincheth thaet ye waecchende with hettendra hildewoman wearde healden, thy laes eow witherfeohtend weges forwyrnen to wuldres byrig. Biddath bearn godes thaet me brego engla, meotud monchynnes, milde yeweorthe, sigora sellend. Sibb sy mid eowic, symle soth lufu." tha hyre sawl wearth alaeded of lice to tham langan yefean thurh sweordslege. tha se synshatha to shipe sheohmod sheathena threate Heliseus ehstream sohte, leolc ofer laguflod longe hwile on swonrade. Swylt ealle fornom sejja hlothe ond hine sylfne mid, aerthon hy to lande yeliden haefdon, thurh thearlic threa. thaer XXX waes ond feowere eac feores onsohte thurh waeyes wylm wiyena chynnes, heane mid hlaford, hrothra bidaeled, hyhta lease helle sohton. Ne thorftan tha thegnas in tham thystran ham, seo yeneatsholu in tham neolan scraefe, to tham frumgare feohgestealda witedra wenan, thaet hy in winsele ofer beorsetle beagas thegon, aeplede gold. Unyeliche waes laeded lofsongum lic haligre micle maegne to moldgraefe, thaet hy hit yebrohton burgum in innan, sidfolc michel. thaer siththan waes yeara gongum godes lof hafen thrymme micle oth thisne daeg mid theodshipe. Is me thearf michel thaet seo halge me helpe yefremme, thonne me yedaeleth deorast ealra, sibbe toslitath sinhiwan tu, micle modlufan. Min sheal of lice sawul on sithfaet, nat ic sylfa hwider, eardes unchythgu; of sheal ic thissum, sechan otherne aer yewyrhtum, gongan iudaedum. Yeomor hweorfeth C Y ond N, Chyning bith rethe, sigora syllend, thonne synnum fah E W ond U acle bidath hwaet him aefter daedum deman wille lifes to leane. L F beofath, seomath sorychearig. Sar eal yemon, synna wunde, the ic sith oththe aer yeworhte in worulde. thaet ic wopig sheal tearum maenan. Waes an tid to laet thaet ic yfeldaeda aer yescomede, thenden yaest ond lic yeador sithedan onsund on earde. thonne arna bithearf, thaet me seo halge with thone hyhstan chyning yethinyiye. Mec thaes thearf monath, michel modes sorg. Bidde ic monna yehwone gumena chynnes, the this yied wraece, thaet he mec neodful bi noman minum yemyne modig, ond meotud bidde thaet me heofona helm helpe yefremme, meahta waldend, on tham miclan daeye, faeder, frofre yaest, in tha frecnan tid, daeda demend, ond se deora sunu, thonne seo thrynis thrymsittende in annesse aelda chynne thurh tha shiran yesceaft shrifeth bi yewyrhtum meorde monna yehwam. Foryif us, maegna god, thaet we thine onsyne, aethelinga wyn, milde yemeten on tha maeran tid. Amen.