Tarana-e-Milli

transliterator: thothica

work_id: "cc61e86c-ca8b-4714-8f37-fe742b33069d" work_slug: "allama-iqbal-bang-e-dara-part-3-cc61e8" work_title: "Bang-E-Dara Part 3" author_name: Allama Iqbal chapter_number: 23 chapter_title: "Tarana-e-Milli" chapter_slug: "23-tarana-e-milli" variant_id: "fe6f52fd-fe2f-477c-b179-ca37adc1af0f" content_type: transliteration layout: verse language: Urdu source_language: Urdu language_direction: ltr script: latin word_count: 164 estimated_read_time: 1

Tarana-e-Milli (Tarana-e-Milli)

Cheen o Arab hamara, Hindustaan hamara Muslim hain hum, watan hai saara jahan hamara Tauheed ki amanat seenon mein hai hamare Aasaan nahin mitana naam o nishaan hamara Duniya ke but-kadon mein pehla woh ghar Khuda ka Hum uss ke paasbaan hain, woh paasbaan hamara Teghon ke saaye mein hum pal kar jawaan hue hain Khanjar hilal ka hai qaumi nishaan hamara Maghrib ki waadiyon mein goonji azaan hamari Thamta na tha kisi se sail-e-rawaan hamara Baatil se dabne waale ae aasmaan nahin hum Sau baar kar chuka hai tu imtihaan hamara Ae gulistan-e-Andalus! Woh din hain yaad tujh ko Tha teri daaliyon par jab aashiyaan hamara Ae mauj-e-Dajla! Tu bhi pehchanti hai hum ko Ab tak hai tera darya afsana-khwaan hamara Ae arz-e-paak! Teri hurmat pe kat mare hum Hai khoon teri ragon mein ab tak rawaan hamara Saalar-e-kaarwan hai Meer-e-Hijaaz apna Is naam se hai baaqi aaraam-e-jaan hamara Iqbal ka tarana Bang-e-Dara hai goya Hota hai jaada-paima phir kaarwan hamara