Ek haji Madinay ke raastay mein

transliterator: thothica

work_id: "cc61e86c-ca8b-4714-8f37-fe742b33069d" work_slug: "allama-iqbal-bang-e-dara-part-3-cc61e8" work_title: "Bang-E-Dara Part 3" author_name: Allama Iqbal chapter_number: 6 chapter_title: Ek haji Madinay ke raastay mein chapter_slug: "06-ek-haji-madinay-ke-raastay-mein" variant_id: "6e23df11-f344-4efb-a087-51f30bd72053" content_type: transliteration layout: verse language: Urdu source_language: Urdu language_direction: ltr script: latin word_count: 150 estimated_read_time: 1

Ek haji Madinay ke raastay mein (Ek Haji)

Qafla Luta gaya sehra mein aur manzil hai duur Iss bayabaan yaani behr-e-khushk ka saahil hai duur Hum safar mere shikaar-e-dashna-e-rehzan hue Bach gaye jo, ho ke be-dil su-e-baitullah phirey Iss Bukhari naujawan ne kis khushi se jaan di ! Maut ke zehraab mein paayi hai uss ne zindagi Khanjar rehzan usey goya hilal-e-eid tha ' Haaye Yasrab' dil mein, lab par naara-e-tauheed tha Khauf kehta hai ke Yasrab ki taraf tanha na chal Shauq kehta hai ke tu Muslim hai, be-baakana chal Be- ziyarat su-e-baitullah phir jaaon ga kya Aashiqon ko roz-e-mehshar munh na dikhlaaoon ga kya Khauf jaan rakhta nahin kuch dasht-e-paima-e-Hijaz Hijrat madfoon-e-Yasrab mein yehi makhfi hai raaz Go salamat mehmil-e-Shami ki humraahi mein hai Ishq ki lazzat magar khatron ke jaan-kaahi mein hai Aah ! Yeh aqal-e-ziyaan-andesh kya chaalaak hai Aur ta'assur aadmi ka kis qadar be-baak hai