Zamana dekhe ga jab mere dil se mahshar uthe ga guftugu ka

transliterator: thothica

work_id: "9bc58cbd-ab40-4264-bd01-6e5bddf3e11f" work_slug: "allama-iqbal-bang-e-dara-part-2-9bc58c" work_title: "Bang-E-Dara Part 2" author_name: Allama Iqbal chapter_number: 6 chapter_title: Zamana dekhe ga jab mere dil se mahshar uthe ga guftugu ka chapter_slug: "06-zamana-dekhe-ga-jab-mere-dil-se-mahshar-uthe-ga-gu" variant_id: "f4810b5f-658a-4f19-b2f3-9f1c64b3efd9" content_type: transliteration layout: verse language: Urdu source_language: Urdu language_direction: ltr script: latin word_count: 273 estimated_read_time: 2

Zamana dekhe ga jab mere dil se mahshar uthe ga guftugu ka Meri khamoshi nahin hai, goya mazaar hai harf-e-arzoo ka

Mauj-e-darya lagi yeh kehne, safar se qaaim hai shaan meri Gohar yeh bola sadaf-nasheeni hai mujh ko saamaan-e-aabru ka

Ho tabiyat hi jin ki qaabil, woh tarbiyat se nahin sanwarte Hua na sarsabz reh ke paani mein aks-e-sarv-e-kinaar-e-ju ka

Koi dil aisa nazar na aaya na jis mein khwaabeeda ho tamanna Ilahi tera jahan kya hai? Nigaar-khana hai arzoo ka

Khula yeh mar kar ke zindagi apni thi tilism-e-hawas sarapa Jise samajhte the jism-e-khaaki, ghubaar tha ku-e-arzoo ka

Agar koi shai nahin hai pinhaan to kyun sarapa talaash hoon main Nigah ko nazaare ki tamanna hai, dil ko sauda hai justuju ka

Chaman mein gulchin se ghuncha kehta tha, itna bedard kyun hai insaan? Teri nigaahon mein hai tabassum shikasta hona mere subu ka

Riyaaz-e-hasti ke zarre zarre se hai muhabbat ka jalwa paida Haqeeqat-e-gul ko tu jo samjhe to yeh bhi paimaan hai rang-o-bu ka

Tamam mazmoon mere purane, kalaam mera khata sarapa Hunar koi dekhta hai mujh mein to aib hai mere aib-ju ka

Sipaas shart-e-adab hai warna karam tera hai sitam se barh kar Zara sa ek dil diya hai, woh bhi fareb-khurda hai arzoo ka

Kamaal-e-wahdat ayaan hai aisa ke nok-e-nishtar se tu jo chhere Yaqeen hai mujh ko gire rag-e-gul se qatra insaan ke lahu ka

Gaya hai taqleed ka zamana, majaaz rakht-e-safar uthaaye Hui haqeeqat hi jab numayan to kis ko yaara hai guftugu ka

Ghar se Iqbal door hoon main, to hun na mahzoon azeez mere Misaal-e-gauhar watan ki furqat kamaal hai meri aabru ka