Zuhd aur Rindi

transliterator: thothica

work_id: "55b25cac-46ff-446c-bfe7-0ae5b8541ad8" work_slug: "allama-iqbal-bang-e-dara-part-1-55b25c" work_title: "Bang-E-Dara Part 1" author_name: Allama Iqbal chapter_number: 44 chapter_title: Zuhd aur Rindi chapter_slug: "44-zuhd-aur-rindi" variant_id: "d776c289-a616-45da-88e9-b62460bb4687" content_type: transliteration layout: verse language: Urdu source_language: Urdu language_direction: ltr script: latin word_count: 388 estimated_read_time: 2

Zuhd aur Rindi (Zuhd aur Rindi)

Zuhd aur Rindi Maulvi sahab ki sunata hoon kahani Tezi nahin manzoor tabiyat ki dikhani Shohra tha bahut aap ki soofi-munshi ka Karte the adab un ka a'ali o adani Kehte the ke pinhan hai tasawwuf mein shariat Tarah ke alfaaz mein muzmar hon ma'ani Labrez mai-e-zuhd se thi dil ki surahi Thi teh mein kahin dard-e-khayal-e-hama-dani Karte the bayan aap karamat ka apni Manzoor thi ta'daad muridon ki barhani Muddat se raha karte the hamsaye mein mere Thi rind se zahid ki mulaqat purani Hazrat ne mere ek shanasa se yeh poocha Iqbal , ke hai qumri-e-shamshad-e-ma'ani Pabandi ahkaam-e-shariat mein hai kaisa? She'r mein hai rashk-e-Kaleem-e-Hamadani Sunta hoon ke kafir nahin Hindu ko samajhta Aisa aqidah asar-e-falsafa-dani Us ki tabiyat mein tashayyu' bhi zara sa Tafzeel -e-Ali hum ne suni us ki zabani Samjha hai ke hai raag ibadaat mein dakhil Maqsood hai mazhab ki magar khaak urani Kuch aar ise husn-faroshon se nahin hai Aadat yeh hamare shu'ara ki hai purani Gana jo hai shab ko to seher ko hai tilawat Is ramz ke ab tak na khule hum pe ma'ani Lekin yeh suna apne muridon se hai maine Daagh hai manind-e-seher us ki jawani Majmu'a -e-azdaad hai, Iqbal nahin hai Daftar-e-hikmat hai, tabiyat khafqani Rindi se bhi aagah shariat se bhi waqif Poocho jo tasawwuf ki to Mansoor ka saani Is shakhs ki hum par to haqeeqat nahin khulti Hoga yeh kisi aur hi Islam ka baani Al-qissa bahut tool diya wa'az ko apne Der rahi aap ki yeh naghz-bayani Sheher mein jo baat ho urr jaati hai sab mein Main ne bhi suni apne ahbaab ki zabani Din jo sar-e-raah mile Hazrat-e-Zahid Phir chhirr gayi baaton mein wohi baat purani Farmaya , shikayat woh muhabbat ke sabab thi Tha farz mera raah-e-shariat ki dikhani Main ne yeh kaha koi gila mujh ko nahin hai Aap ka haq tha ze-rah-e-qurb-e-makani Hai sar-e-tasleem mera aap ke aage Peeri hai tawazo ke sabab meri jawani Aap ko maloom nahin meri haqeeqat Paida nahin kuch is se qusoor-e-hama-dani Main khud bhi nahin apni haqeeqat ka shanasa Gehra hai mere behr-e-khayalaat ka paani Mujh ko bhi tamanna hai ke 'Iqbal' ko dekhun Us ki judai mein bahut ashk-fishani Iqbal bhi 'Iqbal' se aagah nahin hai Kuch is mein tamaskhur nahin, Wallah nahin hai