Anokhi waza hai, saare zamane se nirale hain

transliterator: thothica

work_id: "55b25cac-46ff-446c-bfe7-0ae5b8541ad8" work_slug: "allama-iqbal-bang-e-dara-part-1-55b25c" work_title: "Bang-E-Dara Part 1" author_name: Allama Iqbal chapter_number: 2 chapter_title: Anokhi waza hai, saare zamane se nirale hain chapter_slug: "02-anokhi-waza-hai-saare-zamane-se-nirale-hain" variant_id: "06a2e066-b661-40a6-9801-5eff5c42179e" content_type: transliteration layout: verse language: Urdu source_language: Urdu language_direction: ltr script: latin word_count: 143 estimated_read_time: 1

Anokhi waza hai, saare zamane se nirale hain Yeh aashiq kaun si basti ke ya Rab rehne wale hain Ilaaj-e-dard mein bhi dard ki lazzat pe marta hoon Jo thay chhalon mein kaante, nok-e-sozan se nikale hain Phala phoola rahe ya Rab! Chaman meri umeedon ka Jigar ka khoon de de kar yeh boote maine paale hain Rulati hai mujhe raaton ko khamoshi sitaron ki Nirala ishq hai mera, nirale mere naale hain Na poochho mujh se lazzat-e-khanumaan barbaad rehne ki Nasheman sainkron maine bana kar phoonk daale hain Nahin begaanagi achhi rafeeq-e-raah-e-manzil se Thehar ja ae sharar, hum bhi to aakhir mitne wale hain Umeed-e-hoor ne sab kuch sikha rakha hai waaiz ko Yeh Hazrat dekhne mein seedhe saadhe, bhole bhale hain Mere ashaar ae Iqbal kyun pyaare na hon mujh ko Mere toote hue dil ke yeh dard angez naale hain