Chapter 13

Vi_13

atha viṣam // Vi_13.1 //

viṣāny adeyāni sārvāṇi // Vi_13.2 //

ṛte himācalodbhavāt śārṅgāt // Vi_13.3 //

tasya ca yavasaptakaṃ ghṛtaplutam abhiśastāya dadyāt // Vi_13.4 //

viṣaṃ vegaklamāpetaṃ sukhena yadi jīryate /

viśuddhaṃ tam iti jñātvā divasānte visarjayet || Vi_13.5 ||

viṣatvād viṣamatvāc ca krūraṃ tvaṃ sarvadehinām /

tvam eva viṣa jānīṣe na vidur yāni mānuṣāḥ || Vi_13.6 ||

vyavahārābhiśasto 'yaṃ mānuṣaḥ śuddhim icchati /

tad enaṃ saṃśayād asmād dharmatas trātum arhasi || Vi_13.7 ||