Fela bith on foldan forthgesynra geongra geofona, tha tha gaestberend weath in gewitte,
Medieval Unknown old_englishtransliterator: thothica
work_id: "d5fe9e58-3f94-4c5e-961f-267c5e2f09f4" work_slug: "unknown-old-english-elegies-d5fe9e" work_title: Old English Elegies author_name: Unknown chapter_number: 1 chapter_title: "Fela bith on foldan forthgesynra geongra geofona, tha tha gaestberend weath in gewitte, " chapter_slug: "01-fela-bith-on-foldan-forthgesynra-geongra-geofona-t" variant_id: "cff94be6-e03a-4507-9296-26032dfa40b6" content_type: transliteration layout: prose language: old_english source_language: old_english language_direction: ltr script: latin word_count: 605 estimated_read_time: 6
Fela bith on foldan forthgesynra geongra geofona, tha tha gaestberend weath in gewitte, swa her weoruda god, meotud meahtum swith, monnum daeleth, syleth sundorgiefe, sendeth wide agne spede, thara aeghwylc mot dryhtwuniendra dael onfon. Ne bith aenig thaes earfothsaelig mon on moldan, ne thaes medspedig, lytelhydig, ne thaes laethydig, thaet hine se argifa ealles biscyrge modes craefta oththe maegendaeda, wis on gewitte oththe on wordcwidum, thy laes ormod sy ealra thinga, thara the he geworhte in woruldlife, geofona gehwylcre. Naefre god demeth thaet aenig eft thaes earm geweorthe. Naenig eft thaes swithe thurh snyttrucraeft in theode thrym thisses lifes forth gestigeth, thaet him folca weard thurh his halige giefe hider onsende wise gethohtas ond woruldcraeftas, under anes meaht ealle forlaete, thy laes he for wlence wuldorgeofona ful, mon mode swith of gemete hweorfe ond thonne forhycge heanspedigran; ac he gedaeleth, se the ah domes geweald, missenlice geond thisne middangeard leoda leothocraeftas londbuendum. Sumum her ofer eorthan aehta onlihth, woruldgestreona. Sum bith wonspedig, heardsaelig haele, bith hwaethre gleaw modes craefta. Sum maegenstrengo furthor onfehth. Sum freolic bith wlitig on waestmum. Sum bith wothbora, giedda giffaest. Sum bith gearuwyrdig. Sum bith on huntothe hretheadigra deora draefend. Sum dyre bith woruldricum men. Sum bith wiges heard, beadocraeftig beorn, thaer bord stunath. Sum in maethle maeg modsnottera folcraedenne forth gehycgan, thaer witena bith worn aetsomne. Sum maeg wraetlice weorc ahycgan heahtimbra gehwaes; hond bith gelaered, wis ond gewealden, swa bith wyrhtan ryht, sele asettan, con he sidne raeced faeste gefegan with faerdryrum. Sum mid hondum maeg hearpan gretan, ah he gleobeames gearobrygda list. Sum bith rynig, sum ryhtscytte, sum leotha gleaw, sum on londe snel, fethespeadig. Sum on fealone waeg stefnan steoreth, streamrade con, weorudes wisa, ofer widne holm, thonne saerofe snelle maegne arum bregdath ythborde neah. Sum bith syndig, sum searocraeftig goldes ond gimma, thonne him gumena weard hateth him to maerthum maththum renian. Sum maeg waepenthraece, wige to nytte, modcraeftig smith monige gefremman, thonne he gewyrceth to wera hilde helm oththe hupseax oththe heathubyrnan, scirne mece oththe scyldes rond, faeste gefeged with flyge gares. Sum bith arfaest ond aelmesgeorn, theawum gethyde. Sum bith thegn gehweorf on meoduhealle. Sum bith meares gleaw, wicgcraefta wis. Sum gewealdenmod thafath in gethylde thaet he thonne sceal. Sum domas con, thaer dryhtguman raed eahtiath. Sum bith hraedtaefle. Sum bith gewittig aet winthege, beorhyrde god. Sum bith bylda til ham to hebbanne. Sum bith heretoga, fyrdwisa from. Sum bith folcwita. Sum bith aet thearfe thristhydigra thegn mid his theodne. Sum gethyld hafath, faestgongel ferth. Sum bith fugelbona, hafeces craeftig. Sum bith to horse hwaet. Sum bith swithsnel, hafath searolic gomen, gleodaeda gife for gumthegnum, leoht ond leothuwac. Sum bith leofwende, hafath mod ond word monnum gethwaere. Sum her geornlice gaestes thearfe mode bewindeth, ond him metudes est ofer eorthwelan ealne geceoseth. Sum bith deormod deofles gewinnes, bith a with firenum in gefeoht gearo. Sum craeft hafath circnytta fela, maeg on lofsongum lifes waldend hlude hergan, hafath healice beorhte stefne. Sum bith boca gleaw, larum leothufaest. Sum bith listhendig to awritanne wordgeryno. Nis nu ofer eorthan aenig monna mode thaes craeftig, ne thaes maegeneacen, thaet hi aefre anum ealle weorthen gegearwade, thy laes him gilp sceththe, oththe fore thaere maerthe mod astige, gif he hafath ana ofer ealle men wlite ond wisdom ond weorca blaed; ac he missenlice monna cynne gielpes styreth ond his giefe bryttath, sumum on cystum, sumum on craeftum, sumum on wlite, sumum on wige, sumum he syleth monna milde heortan, theawfaestne gethoht, sum bith theodne hold. Swa weorthlice wide tosaweth dryhten his duguthe. A thes dom age, leohtbaere lof, se us this lif giefeth ond his milde mod monnum cytheth.