Chapter 9

[kāryanirṇetṝṇāṃ gurulāghavam]

kulāni śreṇayaś caiva gaṇas tv adhikṛto nṛpaḥ /

pratiṣṭhā vyavahārāṇāṃ gurvebhyas tūttarottaram // K_082 //

tapasvināṃ tu kāryāṇi traividyair eva kārayet /

māyāyogavidāṃ caiva na svayaṃ kopakāraṇāt // K_083 //

samyagvijñānasaṃpanno nopadeśaṃ prakalpayet /

utkṛṣṭajātiśīlānāṃ gurvācāryatapasvinām // K_084 //

gotrasthitis tu yā teṣāṃ kramād āyāti dharmataḥ /

kuladharmaṃ tu taṃ prāhuḥ pālayet taṃ tathaiva tu // K_085 //