Chapter 1

Paragraph 1

nihan haji nira bhaṭāra hyaṅ buddha, kayatnaka mahopadeśa ikā, rĕṅön salvir niṅ mantra, bhaṭāra buddha sira hana riṅ mahāpralaya, dumadi havak nira, sira ta matmahan bhaṭāra pañcatathāgata, śarīranāmabheda, kapva apadudvan rūpanira, bodhyagrī mudrānira, śāśvata jñānanira, cakra sañjatanira, riṅ sahavati ṅaran iṅ kaḍatvanira, siṅhātutuṅgaṅanira, sira bharālī satvavajrī, sira bharālī dharmavajrī, sira bharālī karmavajrī, sira ta saha devī amarivṛtta riṅ sira, muṅguh pva sira niṅ śarīra, siṅ jro niṅ pusuh pusuh, pinakasthānanira.