Abdul Qadir Ke Naam

transliterator: thothica

work_id: "9bc58cbd-ab40-4264-bd01-6e5bddf3e11f" work_slug: "allama-iqbal-bang-e-dara-part-2-9bc58c" work_title: "Bang-E-Dara Part 2" author_name: Allama Iqbal chapter_number: 8 chapter_title: Abdul Qadir Ke Naam chapter_slug: "08-abdul-qadir-ke-naam" variant_id: "ee0bda4c-bbb1-42cf-b077-98619b64a876" content_type: transliteration layout: verse language: Urdu source_language: Urdu language_direction: ltr script: latin word_count: 156 estimated_read_time: 1

Abdul Qadir Ke Naam (Abdul Qadir Ke Naam)

Uth ke zulmat hui paida ufaq-e-khawar par Bazm mein shola-nawai se ujala kar dein Ek faryad hai manind-e-sipand apni bisat Isi hangame se mehfil teh-o-bala kar dein Ahl-e- mehfil ko dikha dein asar-e-saiqal-e-ishq Sang-e- imroz ko aaina-e-farda kar dein Jalwa-e- Yusuf-e-gumgashta dikha kar un ko Tapish aamadah-tar az khoon-e-Zuleikha kar dein Is chaman ko sabaq aaeen-e-numu ka de kar Qatra-e- shabnam-e-bemaya ko darya kar dein Rakht-e- jaan butkada-e-cheen se utha lein apna Sab ko mehv-e-rukh-e-Saadi-o-Saleemi kar dein Dekh! Yasrab mein hua naqa-e-Laila bekaar Qais ko aarzoo-e-nau se shinasa kar dein Baada-e- dereena ho aur garam ho aisa ke gudaaz Jigar-e- sheesha-o-paimana-o-meena kar dein Garam rakhta tha humein sardi-e-maghrib mein jo daagh Cheer kar seena use waqf-e-tamasha kar dein Shama ki tarah jiyein bazm-gah-e-aalam mein Khud jalein, deeda-e-aghyar ko beena kar dein '' Har cheh dar dil guzrad waqf-e-zuban darad shama Sokhtan neest khayale ke nihan darad shama ''